::: مـنتدى قبيلـة الـدواسـر الـرسمي ::: - قصيده ابن مشعي في عبدالعزيز بن معجب العجالين ومقاطعة الأفلاج.حصري

- :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)

قصيده ابن مشعي في عبدالعزيز بن معجب العجالين ومقاطعة الأفلاج.حصري

بسم الله الرحمن الرحيم

قصيده في عبدالعزيز بن معجب العجالين ومقاطعة الأفلاج.

قصيدة اعجبتني لقدمها تاريخيا ,
واستحقاق من قيلت فيهم جميعا.
هي للشاعر الاديب المرحوم محمد بن مشعي الدوسري
(مولود 1316 هـ ومتوفى 1406هـ) .
وكان قد زار الأفلاج عام 1370هـ
ونشرت في كتابه عام 1381هـ

يامــا حلا الفنجــــال بيــن الصـــلآتيــن

بينـــي وبيــن الواحـــد اللـي يســـويّـــه

اما حصـــل ربــعٍ على الكيف ظاريـــن

والا فباقــــي النـــاس مالي نظـر فيــــه

لآعــاد ماتلقــــى جليسيــــن ذربيــــــن

لا قلـّــوا الاخيـــار فالــلاش مــا ابغيـه

اللــــي تبيهـــــم طايريــنٍ ولاهيـــــــن

واللــــي مقفّــي مالنـــا حاجـــة فيـــــه

يعوضِنـي في اللي مضوا صاحبٍ زين

وان جــا مسيّــــــر واجبـــه ما نخليــه

لاطـــق والله مايــقـــولــــــون لاهيــــن

لونــي بحــال النــوم ظهـــــرت الاقيـه

وان جـــاوا خطّــار من البـــعــد لافين

نقــوم بالميســــور والعـــــــذر قافيـــه

يكـــون لاراحوا من البيــــت راضيـن

اخيْــر من اللــي قال قـــولٍ مهب فيـه

ياراكـــبٍ من فــوق طلـق الذراعيـــن

ابـــوه ظبيـــان من عمـــــان ناقيــــه

اشــداده نظيـفٍ من نظـــاف الهواليـن

ما فوقــه الا مــزهـبٍ له وراعيــــــه

يشــدى الهيــق واكـد الشوف بالعيـــن

ركَــد عجاجــه عقب ما اخطاه راميه

يســري من الدمــام والنــاس غافيـن

وقبل الضحى عند ابن معجب فلا فيه

منصــاك في الافــلاج شيخ العجاليـن

فــي مـوكــرٍ جَــدّه على العــز بانيـه

تلقـــى تراحيــبٍ وكيـفْ وشحـم ظين

وبــنٍ وهيـــل وزعفــــران وقافيــــه

العــود الازرق مشترينـــه من الزيـن

مـن السويــق اللي ورا القصـر شاريه

سلــم على الادنيـــن منهــم والاقصين

ومــن الدواســـر واحــدٍ لا تخـــليـــه

واهل الحمــر والسيــح يكــون دارين

كذالك الهــدار واللـــي نــــزل فيـــه

للبــــدو حقيـــنٍ وللحضــــر حقيـــن

ومــن المـــوده مانعـرف اللي نبديه

لطّامـــة العايــل وقضايــــة الديـــن

بيــــن القبايـــل كل حــربٍ تناحيـه

قصــايـد ابن حفيـــظ سمعـــت ثنتين

يستاهـــل اللــي قالهـــن من يطريـه

مثــــل الغييثـــي قال وقعيـن رفقيــن

عســى الرفاقـــه واجـدٍ من شـراويه

وصــلاة ربي مصبحيــنٍ وممسيــن

علــى نبـيٍ كل خيـــرٍ ومــر فيــــه

اعـــداد ماحجــــوا حجيــج مـلبيـن

وما هــل وبــلٍ ظاهـر من مناشيه

محمد بن مشعي الدوسري
جمع وتحرير
ابو محمد

رد: قصيده ابن مشعي في عبدالعزيز بن معجب العجالين ومقاطعة الأفلاج.حصري

الله الله

ما أجملها من قصيدة وما أجمل عباراتها ومعانيها

رحم الله بن مشعي ورحم الله بن معجب

بيّض الله وجهك يابو محمد على الاختيار الموفق والقصيدة التراثية الجزلة

تقبل ودي وتقديري ،،،،

رد: قصيده ابن مشعي في عبدالعزيز بن معجب العجالين ومقاطعة الأفلاج.حصري

صح لسانه

وتسلم على النقل

والممدوح رحمه الله يستاهلها

وهناك قصيدة قيلت فيه رحمه الله مع شيوخ قبيلة العجالين

وهي للشاعر مشعان بن مسفر الهوامله

يقول فيها

الصبح يا بكرتي عند العجالين=ومبعّدٍ العمس زلاً مراكــــــــــاه

ونتي على الشرب فوقها ما تملين=وأنا على واحدٍ سبحان مسواه

وآلاد عجلان عذاب للمعادين=هل سربه دايم للحرب تصـــــــــــــلاه

ماكر حرار على الجدان عسرين=متنفلينٍ على الحضـــــــــران وبداه

ياما كلا عندهم شيخٍ ومسكين=والحيل حطت على صينٍ مجفاه

وابوسعود(1) تنفل بالنباالزين=هوشيخنا الي عسى الأنـذال تفداه

وابو محمد(2) تراه الروح والعين=مثل الفهد مابغيته فيه تلــــقاه

جعلهاأفداهم ردي الميز والدين=يقصر بشبره من الشيخان مسواه

والله إلى للمزى وانشق في الدين=إلا إن نجيهم مجين ما حدٍ جاه

نأتي بصنع الكفر وم الثوب عارين=كلهامع (شيخنا)3غمٍ لمن جاه

أميرنا (ابن حزام)(4) والناس دارين=حلحيل ما ينحال والعلم ينصاه

(1)الأمير عبدالله بن سعود العجالين رحمه الله

(2)الأمير عبدالعزيز بن محمد بن معجب العجالين رحمه الله

[3] الأمير مشعان بن خزام بن حــــزام العجالين رحمه الله

[4] الأمير عبد العزيز بن حـــــزام العجالين أطال الله عمره