::: مـنتدى قبيلـة الـدواسـر الـرسمي :::

[ظبيً سرق قلبي

سـلام ياظبـيً سـكن ديــرة اجـنيـف = لاشك سرق قلبي وانا عيني اتشوف
شـــالــه وقفـابـه جميـل التـواصيـف = وخـلا لهيــب الشـوق يــزداد بالجـــوف
حظي رماني فـي بحـــور المواهيـف = وعــزالله انــــه ماعمـل فــي معـــروف
وينـي اويـن اجنـيف يا مبعـد اجنيف = وانـا اســبوقـــي قـاصـراتً ومــكتــوف
واصبحت انا بين الامل والتحاســيف = مثـل السـجين اللـي تمكـن به الخـوف
يـرجي عفـو . يرجي تنازل وتخفيـف = وخصـمه امعنــد يبـغي الحق بسـيوف
جـوه العـرب من كل صـوبً مراديـف = وعيـا يـقـــدر والامـل جـالـــه اكســوف
حـالي مثــل حـاله بشـكلً وتصنيـف = مــأســاتـنـا وحــده وانا يمكـن اتطـوف
عيني تبي والنفس قرب المــواليف = ميــر الـــولـه يـحتــالبـه كـل عـاصـوف
مادري متى الايام تاتي على الكيف = عقـب الـدهـور الجافيـه تصبـــح اريـوف
اشــوفها قشــرا وهبــاتـهــا اتخيـف = ســـودً مـواريـهــا وحنــا بهـــا اظيـــوف

محمد بن سوعان الربيّع