::: مـنتدى قبيلـة الـدواسـر الـرسمي ::: - مصيرنا بعدالحياه المماتي

يا الله بخيالاً مزونه مضاريـــــــــــــــع **** ثجاج غيثه سح بالمعصراتــــــــــــــي
ينشا خياله من بحوره منازيــــــــــــــع **** بأمر الحكيم تسوقه الذارياتــــــــــــــي
تلمع بروقه في خدود اللواميـــــــــــــع **** ويزها بياض الحور بالناعساتــــــــــي
البرق يمشط بالثعول المفاريــــــــــــــع **** وتفلها وتهلها المرزماتـــــــــــــــــــــي
رحمتك فوق حزوم شهباً مصاليــــــــع **** يحيي عروق الدمدم البالياتـــــــــــــــي
السيل ضافي والخباري مناقيـــــــــــــع **** على زراقه تنزل الحايماتـــــــــــــــــي
سكبه على الدار السنيه منافيـــــــــــــع **** يشرق خضار خبوتها بالنباتـــــــــــــي
ويزمي ثراها للحرار المواقيــــــــــــــع **** وتشرب مواكر شمخ النايفاتـــــــــــــي
والذيب بالمضماه شربه قراطيـــــــــــع **** يبل ريقه من نضيح الصفاتـــــــــــــــي
انثر غزيرك بالخبوت البلاقيــــــــــــــع **** رفيف برقك يسبق الطايراتـــــــــــــــي
وغرد سحابه وانطحوه المفازيــــــــــع **** وفي حكمة الله كانت الكائناتـــــــــــــي
وانكف خياله للبحور البواليـــــــــــــــع **** سبحان رباً نزل العادياتــــــــــــــــــــي
واصحت وأعد نجومها بالاصابيــــــــع **** المرقبات بعرشهن سارياتــــــــــــــــي
وقلب الدليله ينحر الدرب ما يضيــــــع **** وعينه على نجوم الفضاء الراسياتــــي
من خوف لا يوخر علينا المشاريــــــع **** وهدير سيله يظهر الخافياتـــــــــــــــي
ويظهر من الموضوع عدة مواضيــــع **** و ندفع خطايا غيرنا الماضياتـــــــــــي
وعادوا عليهن بالسيوف البواتيـــــــــع **** و وردن هيام وصدرن سالماتــــــــــي
والبير جمه من غزير الينابيــــــــــــــع **** وجذب الدلي بحبالهن مايحاتــــــــــــي
وكحل الطماعه في عيون الطماميــــــع **** أخطي وأطلع من خطايه براتــــــــــــي
واليوم فيها يشري الهرج ويبيـــــــــــع **** والناقصه ماتعادل الوافياتـــــــــــــــــي
وحنا نشجع صايب العلم تشجيـــــــــــع **** والواردات لعدهن صادراتـــــــــــــــي
وما فات مات ونيّـد الراي و نطيــــــــع **** و المقبلات تعيض بالمقفياتــــــــــــــي
ياعنك لو نقطع بعيد المراميـــــــــــــــع **** مصيرنا بعد الحياه المماتـــــــــــــــــي

الشاعر سالم السناني الجهني//منقول دمتم بود