يالله يالمطلوب ياغافر الزِّلات=مدير الفلك يسرِّ لعبدك مطاليبه
أنا طالبك ياعالم السِّرْ والنياتْ=وعلام ما كني في الصِّدر وأنويبه
ابا أسالك الجنه وتغفر لي الزلات=ورزقٍ حلالٍ تسهل لي مطاليبه
وياقابل التِّوبه لعبدك إلى من مات=وعند الحساب أرجو تهونْ مكاريبه
بيومٍ ولا غيرك حدٍ يرفع الرايات=وياحظ أبو من طاوع أمرك ويمشيبه
ويا خف قلبي خف طيرٍ قفاه إغتات=شهر في الخضيرا والعواصيف توميبه
وياجر قلبي جر غربٍ على عيرات=على ريهجان الجم تقبل وتقفيبه
أنا أمسٍ بعالي الرجم دكت بي الضيقات=وكني على جمرٍ تواقد مشاهيبه
أدير النظر مني عليه أفضي الغايات=رفيقٍ شفيقٍ يحفظ السدْ لصحيبه
ترى اللي مهيضني على بدعي الأبيات=نديم علي يشكي وجتني مكاتيبه
فيا مرحباً خمسة عشر لك مثنيات=بمن هو لنا ياخال طرش مناديبه
حامي عقاب الجيش لادبرن عجلات=ولاخف تاليها منعها تناديبه
ولايانديبي دنْ لي خيرة العيرات=كبيرة لباهر نابي الشط وأديبه
تدريق كما بنتٍ بعيدٍ وأهل حفلات=تنسَّف جعود وأكحل الطرفْ تغضيبه
فيازينها لاروحت ميلة الفيات=مع مجرهدٍ خالين عاويٍ ذيبه
عليها صبيٍ يقطع الدرب له هقوات=يبوج التهالك خدرس الليل يسريبه
تنصا (امشاري) عيد لنضا إلى من جات=يرحب بها ترحيب والجود يحري به
فلاجيت قلط لك دلال حساويات=بمجلس نشاما والردي مايعديبه
وسلم عليه وخبره بالجواب إزتات=وهو هقوتي شفقٍ على هرجت أصحيبه
وقله ترا الناموس في طردك الجودات=ولانتب توصا مير من حبك أطريبه
ولا خير في صبيٍ صبورٍ على الهانات=ولا عل من يصبر على الغبن تجذيبه
ترى طارشك جاب الرسايل ابطلحيات=ترا طارشك من يوم يقبل أهليبه
وتطري لنا علم ٍّ نسيته وهو قد فات=وأنا أشوف قلبي عقب علمك ينويبه
وما في الرجاء ناخذ على ضمَّرٍ سجات=على عوص عيراتٍ تساوج محاقيبه
مع خبرةٍ تفز للمرجله لاجات=وما كان جاء بيمانها ما تباليبه
ونا حالفٍ من ربعة الترب والفلات=وما دمت حيٍ وآخذ العلم وأجيبه
ترى كل نفسٍ ما هوت ياهل الغايات=وكل ٍ على دالوب قلبه ويمشيبه
تراني برجوى جادلٍ ذبلة صفات= نهوده كما التفاح ما لاجها صيبه
برجوى حبيب شدْ قلب العناء بسكات=أطريه يامشكاي ولا ما أطريبه
فيازين هرجت من توده على فاقات=غزالٍ غزلْ قلبي وكدر مشاريبه
ترا إسم الحبيب يامشاري حلوله جات=وترا منبته في البر والبدو تدريبه
وتمت وصلى الله على سيد السادات=نبي الهدى شفيعنا يوم نلجيبه

ولايانديبـي دنْ لـي خيـرة العيـرات=كبيـرة لباهـر نابـي الشـط وأديبـه
تدريق كما بنتٍ بعيـدٍ وأهـل حفـلات=تنسَّف جعود وأكحل الطـرفْ تغضيبـه
فيازينهـا لاروحـت ميلـة الفـيـات=مـع مجرهـدٍ خاليـن عـاويٍ ذيبـه
عليها صبيٍ يقطع الدرب لـه هقـوات=يبوج التهالك خدرس الليـل يسريبـه

ألا ياوجودي وجد من صاحبة طواة=كما طية أوراد الحجيج المناكيفي.
ألا ياوجودي وجد من غرته دنياة=تعدى الحدود وحال من دونه السيفي.