|
قصيده للمجاراه
السلام عليكم ورحمة الله وبركاته .. اخواني الشعراء ,, هاذي خمسة ابيات للمجاراه لتنمية وصقل مواهبنا واحتكاكنا ببعض والاستفاده من بعض .. من ولد تركي سلامن فيه قدر وحشمه صوب شاعر جيله اللي بالقصيد اشعاني حب لي لاجيت عنده يانديبي خشمه وبلغه جُل احترامي واشرح القيفاني قله ان الشعر به حريفه وبه غشمه والـعـرب معهم عيون وذايقه واذاني وعلمه ياخذ حذره امن الركيك ووشمه لن وشمه مــاتـزيـلـه دورة الازمـانــي واحدن جدران بيته شفتها منهشمه جنبه ياصاحبي لوْه من الصدقاني وسلامة الجميع ,, |
رد: قصيده للمجاراه
الأوله ارحب يابو تركي تراحيب المطر
والثانية بيض الله وجهك على الطرح المميز والفكرة الرائعة كذلك وأتمنى أن نجد أصداء من شعرائنا المميزين تقبل ودي وتقديري ،،،، |
رد: قصيده للمجاراه
البقا يبو محسن ووجهك ابيض لا عدمتك
|
رد: قصيده للمجاراه
صح لسانك يامحسن آل بريك والله يحييك في المنتدى وانت مكسب للشعر والشعراء في المنتدى
هذي مشاركتي والله يجمّل. مرحبا بك والبيوت اللي لفت محتشمه أشهد إنها يابن تركي تروي الضمياني كانت عروقي قبل لأقرا بيوتك بشمه وارتويت وكل عرقن صايرن روياني جعل يفداك الخبيل اللي جهلنا طشمه واحدن كب الجزيل ويكتب الهزلاني حنّا عشمنا في الشقردي والنشاما عشمه إن ابوتركي ومثله للجزيل أعواني والدليل أول حضور مبينن له رشمه ماركة محسن ومحسن ثبّت العنواني |
رد: قصيده للمجاراه
مرحبابكم جميع وصحة ألسنتكم والله يقوييكم لاهنت يا ابو تركي على الفكره .. |
رد: قصيده للمجاراه
صح لسانك يابو تركي
وصح لسانك يالكاتم |
رد: قصيده للمجاراه
ارحب يابوتركي وبيض الله وجهك ع الفكره الرائعة
وصح لسانك ولسان الكاتم وعزالله انكم ابدعتو |
رد: قصيده للمجاراه
الله الله الله
صح لسانك واعتلا شانك على هالرد الاكثر من رائع ,, الحقيقه متعة الابيات الي مثل هاذي تكمن في الرد عليها والكاتم ابدع جعله يسلم وياكم |
رد: قصيده للمجاراه
صح لسانك/ يابو تركي
ولسان الكاتم والحقيقه ابيات ممتعه |
رد: قصيده للمجاراه
محسن بن تركي آل بريك:
من ولد تركي سلامن فيه قدر وحشمه صوب شاعر جيله اللي بالقصيد اشعاني حب لي لاجيت عنده يانديبي خشمه وبلغه جُل احترامي واشرح القيفاني قله ان الشعر به حريفه وبه غشمه والـعـرب معهم عيون وذايقه واذاني وعلمه ياخذ حذره امن الركيك ووشمه لن وشمه مــاتـزيـلـه دورة الازمـانــي واحدن جدران بيته شفتها منهشمه جنبه ياصاحبي لوْه من الصدقاني الكاتم: مرحبا بك والبيوت اللي لفت محتشمه أشهد إنها يابن تركي تروي الضمياني كانت عروقي قبل لأقرا بيوتك بشمه وارتويت وكل عرقن صايرن روياني جعل يفداك الخبيل اللي جهلنا طشمه واحدن كب الجزيل ويكتب الهزلاني حنّا عشمنا في الشقردي والنشاما عشمه إن ابوتركي ومثله للجزيل أعواني والدليل أول حضور مبينن له رشمه ماركة محسن ومحسن ثبّت العنواني ياسلام ياسلام ابيات مميزه وتجاوب مميز من الكاتم ننتظر الشعراء المميزين ،،، |
الساعة الآن 09:54 PM
 |
Powered by vBulletin® Copyright ©2000 - 2025, Jelsoft Enterprises Ltd.
---