من حس في نقص نفسه عاتب احبابه=ويعاتب الناس والنقصان في ذاته
ولو الخطا واضح ما حسب حسابه =ما يشوف كبر الخطا من كبر شرهاته
وشرهات رجل تجيك بغصب وطلابه =شره بلا عقل ما حاجه لكسباته
واللي بغيبات ربعه يفتل اشنابه =لو قال انا الزير لا تغرك شجاعاته
اترك شجاع العوافي لا تـهقوى به =اليا صار ما صار يزبن عند عماته
لكن تجنب طريق يقرصك دابه =وابعد عن الداب و شجرته وغاباته
والرجل يعرف مع الادنين واقرابه =يعرف بطبعه وطيبه من جبلاته
والحر يشبع بمنقوره ومخلابه =ومن طبع الحر يعرف كل ميزاته
والتبع ماحد لقا من كسبته ثابه =ولا تعجب النفس هداته وصيداته
والناس بحقوقهم صعبين وذيابه =وكل يدافع بحقه عن كراماته
وترى الفلك كان يمك دار دولابه =ما ينفعك من بعث لك في مواساته
وصلوا على من بعث للدين بكتابه =وعسى المسلمين تباعه لسناته

المشاركة الأصلية كتبت بواسطة أبو فارس آل جعيد الدوسري بيض الله وجهك على هذه القصيد وصح لسان شاعرها ويعطيك العافيه في إنتظار جديدك أبــــــو فـــــارس

المشاركة الأصلية كتبت بواسطة دغش البطي السلام عليكم ورحمة الله وبركاته الأخ والمشرف القدير صالح الجعيدي أولاً ألف مبروووووووووووووووك الأشراف وتستاهل وثانياً عسى الله مايحرمنا منك ولامن تواجدك يالقرم فلقد أثريت المنتدى بالقصائد المذهله والأختيارات الجميله وماهذه القصيدة الكبيرة إلأ دليل على صحة كلامي صح الله لسان الشاعر الكبير جزاء صالح الحربي وسلمت يمين الناقل تحياتي العطره من محب الجميع

المشاركة الأصلية كتبت بواسطة يحيى الودعاني تسلم يمينك وصح لسان الشاعر لاهنت