الله من قلب(ن) له شهـور منسـاح=كنه على حضـوا الهـب والمليلـه
يلعبه الهاجـوس ممسـا ومصبـاح=من جور صلفـات اليـال العليلـه
ويخيل له برق(ن) جهت ديرته لاح=يخيـل برقـه والـمـوارد ثقيـلـه
ويقول يالله جعل نـوه اليـا طـاح=يحيي الدهور ويسقي الارض سيلـه
وينساح بال اللي تضايق ولا انساح=لاشاف نويـر الخزامـى الجميلـه
ولصيد يصبح طارد الصيد مرتـاح=اليـا رقـاء لصيـد راس الطويلـه
وللبر عارف درب والبحـر سبـاح=وكلن علـى عرفـه وفكـره دليلـه
وايضا تفاخت بالعزايـم والافـراح=والوقت يحسب بين يـوم(ن) وليلـه
والصبر محمود(ن) وللخير مفتـاح=كم صابر(ن)خيره مـن الله يجيلـه
وكم واحد(ن) لاسد حافـظ ولابـاح=ماباح سـد اللـي خفـاء يشتكيلـه
وله بالوفاء والطيب مسرح ومرواح=و منزهن نفسه عن اهـل الرذيلـه
وكم واحد(ن) هرجه عسل وهو ذباح=راعي مصالح ون قضت فـر ذيلـه
والرجـل دوار المراجـل والامـداح=والطيب شفـه والمدايـح حصيلـه
مثل مصوت بالعشاء وبـن بطـاح=وبن مهيـد اللـي علومـه جزيلـه
ومن لايعز النفس خبل(ن) وتمسـاح=والهـون دايـم لنفـوس الذليـلـه
والنار تالـع مـن شـراره وقـداح=واحيـان تلقـا بالمجامـل فضيلـه

المشاركة الأصلية كتبت بواسطة الودعاني صالح الجعيدي لاهنت على نقلك للقصيدة وصح لسانك ولسان الشاعر/خليف الوهيداني