|
خطو الولد يخطي على غير مقدات**ويعجب برايه من قرادة نصيبه
هذه قصة جرت على الشاعر محمدالجاسر البدراني الدوسري (راعي الزلفي ) عندما قدم علية شباب وضيفهم وقام بالواجب على فقره وقلة عيشته وكبر سنه مع ضيوفه ... ولكنهم امتحنوه بكثر الطلبات التي لاتوجد لديه وسمعهم وهم يعيبون قهوته .... تضايق من ها الفعل وانغم وزاد غمه غم يوم سمع عجوز داخل البيت تحرض زوجته على طلب الطلاق منه وهي مستعدة تزوجها احسن منه. الرجال زود على الفقر وقل الحال ما يجيله عيال (عقيم)... شاعرنا تهيض وقال قصيدة يبين فيها النعمة اللي حنا فيها ويقارن هذا كله بزمانه والفقر والجوع اللي كان سائد في ذاك الزمان ويطلب من اللي عطاه الله خير ان يشكر ويعتبر بالزمان الماضي واهله ويعتبر ايضاً بصبرهم على ها الحال المر... مع القصيدة .. يقول محمد :
خطو الولد يخطي على غير مقدات=ويعجب برايه من قرادة نصيبه ما يشكر المعبود والي البرايات=ويصبر بحكم الله على ما يصيبه يوم ارتهى النعمة تباهن بالاوقات=يقضي ولو سمع النداى مايجيبه ما تمنعه زجر المواعظ والايات=يقرا كتاب الله و لا يقتديبه بيحت سدي من سبب خارب الذات=ما هوب ودي مار ربي حسيبه لتيت له حب اليمن عشر مرات=ويقول فنجالك كثير سريبه والخبز ما جود على كل حزات=والبيض مفروض لزوم تجيبه عاف اللحم يوم الغدا فات=يقول ما ناكل فضال غبيبة ما صكته سود الليالي بليعات=وافق سنين مرغدات خصيبة زكن علينا بالشروط العنيفات=من غير حق واجب يدعيبه ليته بعمره حاضرله سنيات=يوم السحايل والسنين المشيبة يومن لحم الحرج يوكل الى مات =والرجل بالوجبات يرهن قليبه والله يعصر على جيلنا فات=شيء يروع القلب ما ينحكيبه بين العرب ضاع الحيا والمروات=والله ما يرحم قريب قريبه واليوم ماتلقى عجوز بالاميات=وما تنستر لو كل شي تجيبه والى قطعت اغلاطها بالغويشات=تقول هذا شايب ويش ابيبه واللى عسى يبلاك رب السماوات=الواحد اللى فوق خلقه رقيبه بلوا عظيمة شانها كبر ابانات=عشرين عام ضايع بك طبيبه منتيب عنز يذحونك ولا شات=والله ما تسوين كسرة زبيبة لوهي تخاف الله وتدري العقوبات=ما فرقت بين الحبيب وحبيبه يكرم بعضهن ما نجيله بعرضات=ما هوب كل العجز تتهم بريبة تلقى بهن خطو الحرار العفيفات=اصايل من كل خير قريبة يالله بعفوك من جميع الخطايات=توبة نصوح قبل فجوى المصيبة =================== وسلامتكم ==================== |
ابن العم / صالح الجعيدي والله ما تجيب الا الدرر يمال السلامه لا هنت لا هنت لا هنت الشاعر رحمه الله وضح الفرق بين الشباب وكبيرات السن في جيله والجيل الذي بعده بكل اتقان وبرؤيته وبنظرة ثاقبه. تقبل تحياتي اخوك/ وسام العصا |
اقتباس:
الله يسلمك ويطول عمرك على طاعته، والله ما تمر على مواضيعي إلا شرف لي ووسام على صدري يالنشمي. ولا تهون يالسنافي.وتقبل خالص تحياتي |
دائما متميز ياصالح الله يبيض وجهك على هالمشاركه ولايهينك .
|
السلام عليكم ورحمة الله وبركاته ابن العم الغالي والمشرف الرائع صالح الجعيدي والله ما تجيب الا الدرر يمال السلامه لا هنت لا هنت لا هنت الشاعر رحمه الله وضح الفرق بين الشباب وكبيرات السن في جيله والجيل الذي بعده بكل اتقان وبرؤيته وبنظرة ثاقبه. تقبل تحياتي دغش البطي |
تسلم يمينك و صح لسان الشاعر
والحمد لله على نعمه العظيمة |
أخواني الغاليين/ فالح الشكره، دغش البطي، يحيى الودعاني الله يسلمكم ويطول عماركم على طاعته، ما تمرون على مواضيعي إلا شرف لي ووسام على صدري يالنشاما. ولا تهونون على مروركم الطيب .وتقبلوا خالص تحياتي |
السلام عليكم ورحمة الله وبركاته
دائما متميز ياصالح الله يبيض وجهك على هالمشاركه ولايهينك . |
اقتباس:
وعليكم السلام ورحمة الله وبركاته ،،، التميز والرائع هو مرورك الذي يشرفني مدى العمر أخوي/ الساري1 ،،، ما يشين وجهك يا أبيض الوجه ،،، وتقبل خالص تحياتي. |
الساعة الآن 07:46 PM
 |
Powered by vBulletin® Copyright ©2000 - 2025, Jelsoft Enterprises Ltd.
---