يـــالله يـــارب يــــارحـمــــن يــــاوالــي=يامحصي الخلــق حـاضــرها وغـايبهــا
الأمــــر لـك ياعـلـيـــم بكــل الاحــوالي=والخـلـق خـلقــك وإنــت اللـي تحــاسبها
الغـرب يــارب مــــن أول ومـــن تــالي=طالـت وعالـت على دينـــك مخــــالبـهـا
أهــل الغـــواية تــبنـّت ســــود الافعـالي=ونشوفـهــا بالخطــا تفـــتـل شــواربهــــا
استضعفــــوا خـلـقــك بأقـــوال واعمالي=ولا رْحمـــوا أصغـــر عْـبـــادك وشـايبهـــا
واليوم قامــــوا على محبـــوبنـــا الغــالي=نبيــــك المصطــفى وشـــبـّوا شبــايبهـــا
استهــــزءوا بـــه ولا احـــد ٍ منهـم يبالي=قــــالوا وقــــالوا ولا خــــافـوا عقـايبهــا
ألا النبــي يا إلـــه ٍ في السمــــــا عـــالي=ألا النبــي اللي حـوى أطــــيب منــاقبهـا
يفــــداه عرضــي ومــالي وبـاقـي عيالي=وتفــــداه كــــل القـــبـايل مع نســـــايبـها
ويفــداه سمـعي وشـوفي وعمـري الحالي=ويــــفــدونه الخـــلق خـــايبهــا وصايبهـا
ويفــــداه ابــوي ومعـــه أمـي ولا ابــالـي=ويفــــدونه ارحـــامي وبـاقي عواصـــبها
ويفـــدونــه ربـوعي وأعــمـام واخـــوالي=واللي مشــوا لارض واقـفـوا في مناكبها
ويفــدونـــه اخـواني وكـــــل الـلي ببــالي=والشـــرق والغـــرب وان كثرت مذاهبهـا
ويكــــــرم عــن اللي يقــول الكافـر القالي=الحاقــــد اللي تمــــردغ في معــــايبــهـــا
يكـــرم كــــريم الـنـبــا عـــن كـل جهـالي=عن راعي ابـقــار هـــمّــه بــس يحـلبـهــا
أنا اشهــــد انــك مكــانك فــوق في العالي=ولاّ عــــدوّك محــــلــه فـي زرايبـــــهـــا
انــت الشــفــيع المشــفــّع يـوم الاهــوالي=وشــــانـئــك أبـتـر ويصـــلـنـه لهـــايبـهـا
الله كفـــــــاك الهـــــزيّ وكـــل دجـــالـي=وكفـــــاك ربـي أكـــابرهــــا وزلايـبـهــا
يخـــسى السفـــيه البغــيـض التافـه البالي=تخـــسى الصـــحيـفـة وراسمها وكاتبـهـا
انـت الرســـول العــظيـم لكل الاجيـــالي=أعـظـم مـن احبـــارها وايّــا رهــايبــهــا
القـــدر قــدرك وقــدرك فـــوق متعــالي=والحـوض حوضـك إلى نضْـــبت مشاربهـا
وان كــانهــا يالحـبيب حـروب وقـتـــالي=لجلك نخـوض الوغى ونشــرب مصــايبهـا
والكــافـر اللي مكانــه وســـط الاوحـالي=وش قــومــه اليــوم متزنــّـد مشــاهـبهــا
أخطــــا صـوابـــه وزاد هبــــاله هبـــالي=ويـّمــه ريـاح الجــهــل هـبـّت هـبـايـبـها
هــو مادرى انه خســيس افعـال واقوالي=يومـــــه يـدوّر على نفـــســه عطايبــــها
هــو مادرى ان العـمـــر محـدود بآجـالي=والمــوت نفـــســه لابــد بيــوم صــايبهـا
يـابـيّــض الله وجيـــه شيـــوخ ورجــالي=شـــّدوا على نصــــرة الغـــالي ركايبهــا
ذادوا عــن المصطـفى بالجــــاه والمـالي=قــالوا وطــالوا وراحــــوا في طــلايبهــا
شــّدوا وردّوا مابـين اقـــفــاي واقـــبـالي=والله بالخــيـر يجـــزاها ويحـــاســـبــهـــا
ويـــاربــي الا النــبــــي يــــالله يــــاوالـي=إكــــفــــه هـــزاوي الـرعاع وإنت غالبها