عزي لمن رافق مقاريد ورخوم=سود القلوب اللي من الحقد مليا
اللي سوالفهم كما ريحة الثوم=يغلون من طيب الأجاويد غليا
من بينهم كني غريب من القوم= وهذي سوات اللي نواياه عليا
وين الرجال اللي مشاكيل وقروم=مثل الحرار اللي براس الجبليا
شقر الحرار ولا يقرب لها البوم=ولاهيب تنزل فوق حدب السهليا
مثل الذي جنسه مع الناس معدوم=صادق ولامن قال هرجه فعليا
أبو محمد طيب الراس شغموم=وافي ولامن غبت عنه أتصليا
يا خوك عيني حاربت لذة النوم=وعلي السهر يا خوك صعب أحتمليا
لا يا فهد قلبي له أيام مهموم=وأنا علي الله ثم عليك أتكليا
أشكي وكني ساري الليل منجوم=ولا يشيل الحمل كود الجمليا
أمن الكسل كني لي أيام محموم=لكن لا شفتك يروح الكسليا
يا شيخ ويش الراي في جيلنا اليوم=ويش الحلول الصايبه والعمليا
الحر هذا الوقت ما يدرج الحوم=والبوم في قمة جبلها نزليا
والسيف من جور الزمن صابه أثلوم=حتي الكديش اليوم شاش وصهليا
ولانيب من رفقة هل الطيب محروم=مثلك يكفي لو ضربت المثليا
وأدري بصدقان الرخي فالرخي كوم=ويا قلهم يا شيخ وقت الصمليا
أن جاء نهار(ن)فيه همات وعزوم=فيهم علي ما قيل خاب الأمليا
صحيح للعالم تقاليد وسلوم=غير الحثاله من صحبها حثليا
والناس تكره من به الكبر والزوم=مهذار وجهه ما يعرف الخجليا
وليا دعيته يقعد شوي ويقوم= وأن سمع له هرجه لغيرك نقليا
قلته وأنا ماني علي اللاش ملزوم=الأرض للطيب وسيعه وخليا
لا صرت لا ظالم ولا نيب مظلوم=وما همني هرجة عذول(ن)عذليا
وشرواك من روس القبايل معي دوم=كم واحد(ن)لا غبت عني سأليا
وألا الردي من رافقه يلحقه لوم=أدنات كلمه منك صد وزعليا
لو كان يملك مال كامل وجمجوم=فرقاه فوق الكبد مثل العسليا
ولا خير في رجل(ن)بغيض(ن) ومذموم=اللي ليا جوه الطراقي بخليا
أمن البخل وده تروح السنه صوم=همه علي الدنياء يصر الهلليا
جتك القوافي كنها بارق أغيوم=وألا كما مخزون بيت النحليا
فيها من الحاضر سواليف وعلوم=عن ما جري يا شيخ واللي حصليا
والختم صلي الله علي خير معصوم=كسر صنم مكه وأزال الجهليا

المشاركة الأصلية كتبت بواسطة الودعاني لله درك اخي صالح الجعيدي ذوووق ودايماً فوووق ماتأتي الا بالطيب صح لسان ولسان الشاعر المجهووول والله لايحرمنا شوفاتك..

المشاركة الأصلية كتبت بواسطة الساري 1 السلام عليكم ورحمة الله وبركاته يعطيك العافيه مشكور اخوي الجعيدي

المشاركة الأصلية كتبت بواسطة دغش البطي السلام عليكم ورحمة الله وبركاته العزيز الغالي صالح الجعيدي كما عهدناك يالقرم ذوقك عالي ماتأتي الا بالطيب صح لسان ولسان الشاعر المجهول والله لايحرمنا منك ولامن إبداعاتك.. تقبل ودي وتقديري محبك ومحب الجميع : دغش البطي

المشاركة الأصلية كتبت بواسطة فهد الغريري السلام عليكم ورحمة الله وبركاته العزيز الغالي ابو محمد " صالح الجعيدي" اررررررررررررررحب ياذيباااااااااااااااااااااااان ابيض وجه على هذى الاختيار الموفق جعلك تحيى دايم سباق للمواضيع الجزله والله يصح السانك على هذي القصيده الجزله وتقبل تقديري واحترامي في مقامك العالي اخوك / فهد الغريري,,,,,,,

المشاركة الأصلية كتبت بواسطة ابو مشاري بالـك تماشـي واحـد لـك يرديـك =طالع بنـي جنسـك وفكـر بممشـاك رابع اصيـل فـي زمانـك يشاكيـك =والى شاف خملاتك عن الناس غطـاك والحر مثلك يستحي يصحـب الديـك =وان صاحبه عاعا معاعـات الاديـاك لا تستمع قول الطـرف يـوم يلفيـك =بالكذب يقضي حاجته كـل مـا جـاك من نم لك نم بـك ولا فيـه تشكيـك=ويــلاه قــد ازرا رفيـقـك وازراك عندك حكا فينـا وعنـدي حكـا فيـك =واصبحـت كارهنـا وحنـا كرهنـاك فتقبل فائق الاحترام واعجابي بالقصيدتك الرائع اخوك أبومشاري [/poem]

المشاركة الأصلية كتبت بواسطة خرجاوي السلام عليكم ورحمة الله وبركاته مشكور أخوي الجعيدي على هذه القصيدة الرائعة وألا جمل من رائعة ولاهنت ولا يهينون الاخوان أخوكم/ خرجـــــــــــــــــ فتى العمور ــــــــــــــــــــــــاوي

المشاركة الأصلية كتبت بواسطة المحايد المستقل اخوي صالح الجعيدي اختيار موفق ومعاني عظيمةو مشكور علي اختياراتك المميزة وياهلا بك