الايامل قلب كل ماجا الليل جاـــــــــــه خلاج=يلوج ويجتلد بالصدر والعربان ممسيني
أنا متحير مدري عن المدخــــــال والمخراج =الا واعمس رايي مالقيت اللي يقديني
الا يامجيب دعوة من تـصافق فوقه الامواج =انا بحماك ياوالي الخلايق لاتخلينـــــــي
الا ياوجد روحي وجد من خلــوه بالمسهاج =كسير الساق بنحور المعادين المغليني
الا من دك هوجاسي ولو انــي على ديباج =ولو جالي جميع البيض غيره ماتسليني
الا واهني مخلوق يفرج ضيقتـــــــــه لاداج =الامنه دخل بالسوق غاد له ميادينــــــــي
ترى بعض العرب عمله بروحه مثل عمل سراج =يضوي للعرب والنار في جوف المسكيني

الا يامسندي دنياك ماتحتاج ماتحتـــــــــاج =ترى اللي سالم منها تعادل فيه رمحينـــــي
تعبر بالهجين اللي يضدّنه ضلاف العــــــــــاج =تودي حملها الجاير ويصبح خاطره زينــــــــــي
تصبّر والفرج يامسندي من صاحب الأفـــــــراج =أكودك عقب صبرك تستعيد العشر عشريني
تراني مستعد لك على المقعاد والمنهــــــاج =سبب ما ازعلك يزعلني ومايرضيك يرضيـــي
مانيب الصاحب اللي يوم يبدي به لزومك ماج =حشى لله ما اجي عن لزومك يابعد عينـــــي

المشاركة الأصلية كتبت بواسطة هايف العماني رحم الله الملك فيصل واسكنه فسيح جناته لاهنت اخوي صالح على القصيدة النادره تقبل تحياتي،،