|
وهرج(ن) على غير النشاما عثى بال
السلام عليكم ورحمة الله وبركاته ،،، قصة قصيرة: كانت من عوائد فجحان الفراوي المريخي المطيري بانه المجلس بالسوالف الطريفه والقصائد التي يتشوق لاستماعها الجميع فقد لاحظ الحضور في ذات مره بأن فجحان على غير عادته واستغربوا من سكوته وظنوا انه بخل او تطاول على من كان حاضراً لأنه يقال عن الفراوي بانه لا يرتاح لكل مجلس ولا يفضي بسوالف الحضور اقل منها مستوى فهو يقول بهذه المناسبه
ماني على زين الحكايا بخيلي=وهرج(ن) على غير النشاما غثى بال الله على اللي هرجهم يستويلي=اللي الى شدوا بعيدين الأنزال ياحلوهم وان قهقروا للنزيلي=ولازم يستوي قبل يبنون فنجال وله في مناسبه اخرى
قالوا تسوج وقلت لوسجت وشعاد=اتلى هوى قلبي بوسط الجماعه مالي غرض مار اشتهي هرج الأجواد=يدله بهم قلبي عن الهم ساعه سوالفٍ تاتي وهذيك وراد=هاذي ذبحناها والأخرى قلاعه ودلال يشدن الغرانيق قعاد=حزة طلوع الشمس عند ارتفاعه بالأشقر اللي يودع الريق ينقاد=جياب وزن العيش ما جاب صاعه اولد النبيته لو تمرجل ولو جاد=يدقبه من ساس جده وداعه عسى أن تنال على رضاكم ،،، وسلامتكم جميعاً ،،، وتقبلوا خالص تحيات أخوكم ومحبكم في الله/صالح الجعيدي |
اقتباس:
|
ماني على زيـن الحكايـا بخيلـي=وهرج(ن) على غير النشاما غثى بال
عزالله انه صادق صح لسااااااااااااااانك ولسان قايلها المشرف الممييز/صالح الجعيدي بالصراحه اتحفتناااااااااا بهذه القصص النادره لاهنت يالقرم على ايراد القصص وفي انتظااااااار المزيد منها مع انك ماقصرت لك خالص الود وفائق الاحترام اخوك/بن وتيد |
السلام عليكم ورحمة الله وبركاته
صح لسااااااااااااااانك ولسان قايلها الساري 1 |
|
هلا و غلا بأختي/ شوق2 ،،، وألف شكر لك على الإضافة. و لا هنتي على المرور العطر. وتقبلي خالص تحياتي. |
اقتباس:
صح بدنك ،، المميز مرورك يالنشمي. لم أعمل إلا القليل لمنتدى قبيلتنا العزيزة. مرورك أخي الغالي/ ابن وتيد شرف أعتز به دائماً. وتقبل تحيات أخوك ومحبك في الله/ صالح الجعيدي |
اقتباس:
وعليكم السلام ورحمة الله وبركاته صح بدنك ،، مرورك شرف أخي الغالي/ الساري1 وتقبل تحيات أخوك ومحبك في الله/صالح الجعيدي |
اقتباس:
مراقبنا الغالي/ أبوعبدالرحمن الودعاني ،،، لا هنت على مرورك الطيب الذي أعتز به دائماً. وتقبل خالص تحيات أخوك ومحبك في الله/ صالح الجعيدي |
السلام عليكم ورحمة الله وبركاته المشرف الرائع : صالح الجعيدي الحقيقه كلمة شكر قليلة بحقك ياأيها الرائع فجهودك طيبه ومشاركاتك رائعه وقصائدك اللتي توردها وقصصها تفرح الخاطر وتوسع الصدر فالله لا يهينك إبن عمي الغالي وجعل يمناك مايجيها العطب تقبل ودي وتقديري وسجل إعجابي بما تكتب محبك ومحب الجميع : دغش البطي |
اقتباس:
وعليكم السلام ورحمة الله وبركاته ،،، الرائع مرور محب الجميع (وعندي خاصة) ،، يكفيني مرورك العطر،، أتشرف فيه وأعتز به. القليل في حقك هو أني أعجز بالرد على كلامك الطيب. وعسى أيامك أفراح. ما أعمله هو قليل لمنتدانا يجمع ناس أحببتهم في الله. وعسى يمناك للسلامة. إعجابك هو فخر ووسام على صدري مدى الحياة. تقبل تحيات وتقدير أخوك ومحبك في الله/ صالح الجعيدي |
اخي الكريم / صالح الجعيدي لاهنت لاهنت ولاهان راسك اي مشاركه تكون طرف فيها انت انا متاكد انها غايه بالجزاله مازلت تتحفنا وتبهرنا بما تنقله يمبنك جعلها للسلامه الله على الكلام اللي يجي بمحله ولا تلقا عليه منقود وعجز بيت الشاعر /فجحان يذكرني ببيت للشاعر الكبير / ابن مسعر العاصمي القحطاني وفيه بقول(ترى السوالف ياذهان الرجالي***تسمج اليا عرضت على غير اهلها) اخوك ومحبك فالله/ وسام العصا |
اقتباس:
أخي الغالي/ وسام العصا ،،، من قال ما يهان ،، وعسى راسك للسلامه . أي مشاركة أو موضوع تدخل فيه وتعلق عليه فهو فخر و شرف لي يالنشمي. المواضيع التي أنقلها هي قليلة في حق المنتدى الغالي. وجعل يمناك للسلامة. والله لا يهينك على مرورك الذي يعطر متصفحي ووجودك الذي يعتز به المنتدى. وتقبل خالص تحيات وتقدير أخوك ومحبك في الله/صالح الجعيدي |
الساعة الآن 11:29 PM
 |
Powered by vBulletin® Copyright ©2000 - 2026, Jelsoft Enterprises Ltd.
---
