|
ما مثّله (((( نجلا و محمود يسين ))))
أعزائي المرور
مروركم غااااالي و نذبح له قعوووووووووووووود أسند لي الأخ الغالي مشبب العاصمي قصيدة و أرسلها على الجوال يقول مشبب
البارحـة يـوم المخالـيـق نـيّـام=والوقت منصف بين وحده و ثنتيـن وكـلٍّ تحلـوا لـذّة النـوم لا نـام=دقيت سلف الموتر اللي من الصيـن كيّـا حـلال القـوم علّـه للاعـدام=من شين جنسه عمّـدوا لـه وكيليـن خذته باسلّي خاطـرٍ صابـه هيّـام=من واهجٍ بالصدر سوّا بـي الشيـن يا بو محيّا صاحبك حيـل منضـام=الشهر شرّف و اشغلنّـي المزاييـن القلب توّه اخضرٍ مـا بعـد صـام=و اللي زواني حـال دونـه بلاديـن غروٍ ملكنـي ملـك بشّـار للشـام=اقفا و خلا الملـك سبّـة حسوديـن و عرّض علي و القلب مشفي به حيّام=إحيـام خـلـجٍ ورّدت للمراحـيـن جمسٍ مجهّز كل مـا فيـه باحكـام=صوته يزمجر مـن دوي الشكاميـن ما صنّعه الافنس ولا طراد و غـلام=صنعة ابو طربوش شقر الحجاجيـن تقدح قزوزة قدح جمـرٍ مـن لحـام= الجيم هو رمزه مع الميـم و السيـن لا اقبل بوسط الخط مثل احمر الخـام=يامـر و ينهـى و المواتـر ملبّيـن كن المواتـر عنـد حظرتـه خـدّام=غصبٍ عليهم نوّخـوا لـه مطيعيـن ذكّرنّي اللـي بايعـه فـاوّل العـام=تسعة مخزّن ما بعـد فـرّ الالفيـن لون البلد ما بهّتـه طـول الاعـوام=في موقفٍ له بين نخـل و بساتيـن ما وقّفوا به فالمعارض و لا انسـام=وما دوّجوا به فالشـوارع وراعيـن ما تفترق لمعته مـن لمعـة حسـام=صدام و شنبر نوره ايسار و يميـن في مقدمه تمثال مـا عابـه اسـلام=مربّـعٍ يحـوي رمـوزه بلونـيـن حجم المكينة صنع باسلـوب ونظـام=اربع مية و اربع معا زود خمسيـن يا ويش اوصّف و الهواوي الا هـام=ياصف وصوفٍ ما طرت للمساكين
البارحة جتني طواريقٍ أقسام = في شاشة ( الدّمعة ) قد النّاس ممسين لوّه على الصّامت غدى يرزم ارزام = ارزام برّاقٍ سرى يجهر العين ذي حزّة الغالين يااااااااجرح الأيّام = واااشيب عيني ..عنك ماهوب ذالحين أقفت وخلّت ذكرها كنّه أحلام = راحت وتاهت به جميع العناوين ومن الزّعل مسحت له كل الأرقام = وأنا أحسب إنّا لا مضى الوقت سالين حبٍ عفيفٍ ما تطرّيه الأفلام = ما مثّله نجلا و محمود ياسين فزّيت .. ويديني غدت كلّها ابهام = وقدنا على سيد الرعابيب شفقين ولقيت..بالوارد مراسيلٍ حشام =من راس رجلٍ من رجالٍ عزيزين يشكي غلا جمسٍ إلا طاح ما قام = قبل أمس شفته بين خضر البساتين ملوه للفرضة بجحٍ و شمّام = الله و أمانه صار مثل أم ظرفين يا بو فهد و أنا على الدّرب قدّام = من فوق جيبٍ ما ولاه المقلّين خمسه على الألفين ما جاه سوّام = سعره دفعته شيك ميّه و ستّين تحت طلبك ومناك صاطي و جزّام =من روس قومٍ حزّة الخوف جسرين هذا و أنا يا شوووووووق ترفات الأقدام = حسبت جنّك من حساب الشياطين أنا أحسب إنّك لا أظلم الليل قوّام = تقرأ و جزءك حول جزء الثلاثين أمسٍ تحدّثنا بتفسير الأحكام = وتعيب ناسٍ صفّقوا للمغنّين و اليوم تشكي حبّ زينات الأوشام؟؟!! = وتقول حالوا دون وصله نحيسين كبّر .. وأكبّر معك يا نسل الأكرام = وإن قلت قول آمين .. يا مشبّب آآآآآآآمين |
مبارك بن محيا الدوسري ومشبب العاصمي صح الله السنتكم والله إن صابني مثل القشعريرة وانا اقرا هالقصيدتين المفلقتين وهالوصف الرائع عز الله إنه صوت قوي مدوي ورد جزل موفق من شاعرين أكفاء . دمتم بهذا الشموخ ونرقب منكما المزيد من النوادر وشرفني ان اكون اول من رد على هاتين الرائعتين. |
الشاعر القدير / مبارك بن محيا
السلام عليكم ورحمه الله وبركاته صح لسسسسسسسانك ملالالايين وصح لسان الشاعر/مشبب العصيمي صوت وصدى رائع قصائد في قمه الروعه لاهنتو على ماقدمتو لنا ولك بالغ شكريوتقديري |
السلام عليكم ورحمة الله وبركاته الشاعر القدير / مبارك بن محيا السلام عليكم ورحمه الله وبركاته صح الله ألسنتكم ملاييييييييييييييييييييييين جبلين وشعار كبار صوت رائع جداً وصدى أروع وأروع قصائد في قمه الروعه والجمال لاهنتو على ماقدمتو لنا في هذه الدرر النادره ولك بالغ شكري وتقديري محبك ومحب الجميع |
رد: ما مثّله (((( نجلا و محمود يسين ))))
الشاعر الكبير مبارك بن محيا صح الله السانك وبيض الله وجهك انت
والشاعر الكبير ومشبب العاصمي على هذه القصيدتين الجزلتين |
رد: ما مثّله (((( نجلا و محمود يسين ))))
صـــــــح السانك واللسانه
وبيض الله وجهك على القصائد الجزله تقبل مروري |
رد: ما مثّله (((( نجلا و محمود يسين ))))
اقتباس:
صح بدنك مرورك يشرف المتصفح و ينوره تحياتي لك |
رد: ما مثّله (((( نجلا و محمود يسين ))))
الشاعر القدير / مبارك بن محيا
صح السانك ملالالايين وصح لسان الشاعر/مشبب العصيمي ولاهنت على طرحها تحياااااااااااااتي |
رد: ما مثّله (((( نجلا و محمود يسين ))))
قصيده رائعه بالفعل
صح لسانك يامبارك وصح لسان مشبب ( الله يرحم دغش البطي ويغفر له .. آمين) |
رد: ما مثّله (((( نجلا و محمود يسين ))))
اقتباس:
لاهنت وصح لسانك ولسان مشبب العاصمي |
رد: ما مثّله (((( نجلا و محمود يسين ))))
اقتباس:
دغش البطي وعليكم السلام و رحمة الله و بركاته انقطاعي عن المنتدى هو ما أخر ردي عليك الله يرحمك يا حبيب الجميع و عسى الله أن يجمعنا في مستقر رحمته إنه ولي ذلك و القادر عليه جف الكلام ولا بقى شي ينقال |
رد: ما مثّله (((( نجلا و محمود يسين ))))
صح لسان الشاعر / مشبب العاصمي وصح لسانك يامبارك وبيض الله وجهك على القصيده ولا هنت على كل حال |
الساعة الآن 06:43 PM
 |
Powered by vBulletin® Copyright ©2000 - 2025, Jelsoft Enterprises Ltd.
---