سخافه ينتهي الورد في حضـن المزهريـه =مـن رتابـه فـي رتابـه فـي رتـابـه
الزهر ما لـه غيـر البساتيـن العـذ يـه =نعنبوا قلبٍ يموت ولاوصل غايـة شبابـه
ماتثمر بريضان الجفى عناقيـد النرجسيـه =لو قراح ٍ جداولهـا علـى طينـة ترابـه
ماعليـه مـن المقفيـن لا……لا ماعليـه =عارفٍ ماتنتهي الدنيا على حضرة جنابـه
ما تجاوزت الحدود ولاعملت ادنى خطيـه =ليتني مخطي واعذره واتفاخر في صوابـه
يومها صارت الفرقاء كانت بلحضه غبيـه =كابرت في تغليها ووصلت حـد الحرابـه
كنت اشيل الجمر لجله في راحتيني هديـه =كنت مصخي في غرامه ومفعـم بالصبابـه
يومه اول حب عشته ما حسبت احدٍ بزيـه =مستحيل انه بها الدنيـا لـه انثـى تشابـه
استبحت اقصى المشاعر وانتهكت الشاعريه =كنت اسوق ابيات هجني لين اصل اركابـه
ماكنت اشوف الا حروفه بالحروف الابجديه =وما احث الرجل تمشي ألا…لا نصت بابه
امتلك كلي بكلي مـن اقدامـي ليـا هنيـه =عربد بجوف الحنايا وارتشف زهرة شبابه
اه ياقيس الملـوح … مالقيـت العامريـه =مالقيت اللي تشيل الهم عن الوجه الكئابـه
يوم سقت المحبـه فـي فناجيـل الشاذليـه =ليـه ماقـدم يمينـه اه ياوجـه الغـرابـه
والله ان بوسط قلبي ماتـزال النـار حيـه =مايزال الوهج باقي في عبـارات الكتابـه
ماخسرت الا المكاسب ولاكسبت الا..الاسيه =غيبته صعبة لقلبٍ مـا يهمـه فـي عذابـه