::: مـنتدى قبيلـة الـدواسـر الـرسمي ::: - من محاوراة عميد الشعراء\احمد الناصر الشايع الدوسري @الحلقة الاولى @

- :: قسم المــحــاورة والألــغـاز:: (http://alduwaser.org/vb/forumdisplay.php?f=18)

من محاوراة عميد الشعراء\احمد الناصر الشايع الدوسري @الحلقة الاولى @

السلام عليكم ورحمة الله وبركاته..
اخواني ...
انقل لكم من خلال هذه السلسلة محاورات الشاعر الكبير \ احمد الناصر الشايع (حفظه الله)
واتمنى ان تنال على إعجابكم.. وإليكم المحاورة الاولى مع مقعد الرويبي السبيعي (يرحمه الله)
وهذه محاورة قديمة أقيمت في مدينة (شقراء):
بدأها..

احمد الناصر:

سلام ردة صافيــة للضـيوف وللمـسايير= واهل البلد واللي حضر حفلنا من كل ديرة
الليلة الليلة على الماء مواريد ومصادير= كلٍ بمـجهوده سـواة العـرب يـدفـع بـعـيـره

مقعد:

يامرحبا ترحيب قدم العرب من دون تقصير=ياالله عسـاهـا ليـلـةٍ جابـتـك خـيرٍ وخيـره
حنّا عـلى درب الصعب مانقود بالـمظاهـير = ونخلص أهل المعرفة بالكبيرة والصغيرة

أحمد:

اليا سمعنا الطير قمنا وقلنا خير ياطير =الله يوفـقك السـعد والسـلامة والسـتيرة
يامقعد الدنـيا تقـلب لـعل الخاتـمه خـير = من جا هلابه والمقفي عساها له سفيره

مقعد

ماودي اظهر ما اختفى عن عرب حدر الاظافير=واللي عطش لامن ورد مشربه من جم بيره
أنته تعرف ذياب ياصاحبي من سالم الزير= والـنـاس تـعــرف بـالـفـعـول الغـنيـة والـفـقـيـرة

أحمد

قالوا نخل مـران شـالوه كلـه بـأيسر النـيـر = وكـلٍ بعـينه يفـتكر بالـطـويلـة والـقـصيـرة
وليا استوى طلعه تشيله من الساحل بوابير= واليا صفق موج البحر يزعج الموتى هديره

مقعد

لن طال عمرك مايطيب العباد الا المقادير=والشمس لو تبدي ترى ما أشفت العين الضريرة
حنّا نعرف أهـل المواقـف محنـية البواكـير= وانتـه مـع الـسرحـان لاغـار للـصيـدة خـشيـره

أحمد

من ذل من علـة تصيـبه ولو دونـه طـوابـير= ومن ينكر الصحبة تقول العرب خانه ضميره
حلم الصدوق اليا حلم ينقري من دون تفسير= ومـن عـاف ربـعـه وين يلقى صديقٍ يستعيره

مقعد

العذر مايكفي هـل الحق لو جـبنـا المعـاذيـر = نوّر طريقي من ينور لعمسين البصيرة
أنا مع الطاروق لاساروا أهل العرف باسير= الهرش والجمال ماضاق به بر الجزيرة

هذا والله نسأل أن قد وفقنا فيما اخترنا لكم

رد: من محاوراة عميد الشعراء\احمد الناصر الشايع الدوسري @الحلقة الاولى @

السلام عليكم

الله الله

لاهعنت يالغالى على نقل الجزل

تقبل

تحياتى

رد: من محاوراة عميد الشعراء\احمد الناصر الشايع الدوسري @الحلقة الاولى @

ابو سالم

جع يمناك مايجها العطب ياكحيلان

بياض وجه على هذي المحاوره القويه

اختيار موفق

تقبل ارق التحايا

اخوك / فهد

رد: من محاوراة عميد الشعراء\احمد الناصر الشايع الدوسري @الحلقة الاولى @

اقتباس:

المشاركة الأصلية كتبت بواسطة بدر ابن نايف

السلام عليكم
الله الله
لاهعنت يالغالى على نقل الجزل
تقبل
تحياتى

ابو نايف لاهنت على المرور

تقبل تحياتي

رد: من محاوراة عميد الشعراء\احمد الناصر الشايع الدوسري @الحلقة الاولى @

الله لايهينك ألأخ الغالي عبدالرحمن 0على النقل لهذه المحاوره القيمه

رد: من محاوراة عميد الشعراء\احمد الناصر الشايع الدوسري @الحلقة الاولى @

اقتباس:

المشاركة الأصلية كتبت بواسطة فهد الغريري

ابو سالم
جع يمناك مايجها العطب ياكحيلان
بياض وجه على هذي المحاوره القويه
اختيار موفق
تقبل ارق التحايا
اخوك / فهد

ابو راشد مرورك زود الصفحة نور

تقبل تحياتي

رد: من محاوراة عميد الشعراء\احمد الناصر الشايع الدوسري @الحلقة الاولى @

اقتباس:

المشاركة الأصلية كتبت بواسطة عبدالكريم البليهي

الله لايهينك ألأخ الغالي عبدالرحمن 0على النقل لهذه المحاوره القيمه

ومن قال ماهان

تقبل تحياتي