الاخ ابو عبد العزيز
احب اضيف لك هذة القصيدة
امل ان تحوز على رضاك
هذه قصيدة محمد بن عبدالله المعجل يشيد بجماعته الدواسر البدرارين اهل ثادق فى الغزوات مع الملك عبدالعزيز رحمة الله
واهني من نسل بدران ربـع لـه= مايظام الجـار والجـار بدرانـي
لا بة تمشي علي الحـق والملـه= جارهم من بينهم تقـل سلطـان
لابة في الكون ماتطـري الذالـة= كل واحد في اللقا يسبق الثانـي
لاتناخوا واعتزوا واجملوا سلـة= من وقف في دربهم راح هميانـي
ال زايد ذخرهم فـي اللقـا كلـه= ولاتفرق بين عامـر و ودعانـي
بيرق واحد يسـرون فـي ظلـه= من ربي نجد الي ظلـع نجـران
انشد التاريخ عـن دقـه وجلـه= للدواسر فعـل فـي كـل ميـدان
شيخنا صقر الجزيره عضود لـه= مخلصين له علي طول الأزمان
مايعرفـون الخيانـات والذلة = يرخصون الروح من دون الأوطان
كل ماقلتـه فالاخيـار كفـو لـه= ومن سمعني قال ماهوب غلطـان
جودهم للظيف جود علـي حلـه= يرخصون الزاد والبـن والظـان
والختم صلوا علي صاحب الملـة= سيد كل الناس عـرب وعجمـان