ياركب حر ليال المخاضير= عامين ما يتبع فريق الشواوي
مرباعه الصمان ومقياضه النير= يبني سنام بالقفار متساوي
ياراكبينه نحّروه المصارير= سلّم على فراج لا جيت ضاوي
وأبوحمد عيد الركاب المقاصير= هيف القحوم مربّحه كل شاوي
وسلم على متعب عشير المناعير= سعد الرفيق اللي من الحيل ثاوي
ربعٍ قروم.. ويحتمون المعاشير= لا جاء نهار فيه كثر العزاوي
أنا أحمد الله ماعلى النفس تقصير= إلا مشاهد محرقين القهاوي
بو راشد
بيض الله وجهك
على ايراد
مثل هذي المواضيع
تقبل تحياتي
ابو زيد