قال من عينه تهاوش والغفيه=عقب ماطاري المفاخت للتشقوي حدها
ساهراً كنه قريصً ناهشه رجليه حيه=مثرن فيها الوجع والعوافي كدها
ليته الله ولا عرفً جمعنا يامهيه=كان مانفسي سببكم تبّيح سدها
ماحلا ذاك المبيسم والخديده واليديه=ماحلا شعوراً تهاوت راس ردف(ك) ردها
كن في(ك) عرق امن القمر وانتي له وخيه=واهني من شد خيرات وصلك لزم ماهدها
ماقدرت اجي(ك) وانتي ماقدرتي لي بجيه=خيرتً لي لاتعلق في العشوق ومدها
مانويت(ك) بالردى وانتي مانويتي لي بسيه=دامها في الستر خلينا نكمل عدها
شاب قافي واخر مابقوله يابنيه=جعل داراً نزلتيها تسيل خدها
الشاعر الغالي : عبدالله الصخيبري
أرحب أرحب يأبو سعود
يالله حيه وحي ماجاب
عبدالله أنت شاعر غير تنهج القصيد السلس والطرق الجميل
ولو أن الشهادة فيك مجروحة إلى أبعد الحدود
فصح الله لسانك وإعتلا شآنك دنياً وآخره
لقد سعدت بمعانقة هذه الفاتنة قبل الجميع
تقبل الود والتقدير والشكر والعرفان على التواصل
محبك ومحب الجميع : أبو محمد