[معلومات العضو عبدالرحمن الشرافي]

اخواني أخواتي ..

اسعد الله أوقاتكم بكل خير ..


أضع بين أيديكم هذه القصيدة الغزلية الرائعة للشاعر الكبير/ دهيمان بن عبيد الهوامله الدوسري..

أتمنى أن تنال على أستحسانكم...


يقول فيها:

قلبي اللي حب شخص سكن في حضرموت = لعنبوا من حب ياناس شخص(ن) حضرمي
حين قابلته تمكن وشات القلب شوت = شوتت الكوره ليا ناشها راس اقدمي
وأختلفت وقلت وش فيك قال أحذر تموت = قلت موتي من عيونك ونزلت أسهمي
الهوى راعيه يا زين ما يقوى السكوت = كم شجاع(ن) سمه الحب لين أستسلمي
قال كانه فايتك فوت ما ينفعك صوت = المحبه للمحبين سم مسممي
قلت وأنته تعرف الحب وتصد بصموت = بس قصدك تجرح الناس يا متعلمي
قال انا عندي شهاده وأدق أوتار نوت = دارس(ن) علم العجم والديانه مسلمي
قلت دربني كما العسكري وأثبت ثبوت = تحت أوامر حضرتك ثابتٍ مستلزمي
قال انا ما ادرب الناس وأعطيها كروت = خوفي أدربك ويسيل دمك مع دمي
قلت همك بس نفسك وأنا تضرب بيوت = ما دريت أنك شريكٍ لي بدمي ولحمي
أبتسم ثم قال شتت لي فكري شتوت = مرني بعدين في وسط ليلٍ مظلمي
بس ودعته وقلبي معه في حضرموت = لعنبوا من حب يا ناس شخصٍ حضرمي

وسلاااااااااااااامتكم


وأعدكم بقصايد أجمل للشاعر / دهيمان بن عبيد ...
و تقبلوا فائق التحية والتقدير


أخوكم / عبدالرحمن بن سالم الشرافي