[معلومات العضو فهد الغريري]

كان الدعاوي عودة للقبايل = أنا من اهل الطيب عزه ونوماس
أهل العشر أهل الكرم والجمايل = معرب الجدان ومعرب الساس
لاد الحبيبي طيبين الخصايل = هي عزوتي اقولها رافع الراس
أفعالنا دايم فعولٍ جزايل = يحكا بها في كل فيه ومجلاس
قلنا وطلنا والفعايل دلايل = عدونا وقت اللقا دوم محتاس
عدونا ما حصل الا الفشايل = ناطا على راسه وبالرجل ينداس
تشهد لنا بالطيب كل الفصايل = وياكم لنا في ساحل الطيب نبراس
حنا المصارير كاسبين النفايل = كسابة الطالات مجلين الاعماس
منا طليفحٍ عريب السلايل = له قصة ما هي بتخفا على الناس
وحزام بن مشوط كريم السبايل = يا جعل يفدونه دلابيح الاجناس
له ضربةٍ تشفي النفوس العلايل = ما جات في عصر ابن أميه و عباس
في عصرنا الحالي وعصر الاوايل = بأفعالنا حزنا على الدرع والكاس
حنا بني تغلب عما كل عايل=لا جاء نهارٍ فيه الارياق يباس
منا كليب اللي للأمجاد نايل=و الزير سالم جنّب حماه جساس
نقبل على العدوان مثل المخايل=مثل الحرار الضاريه بالتنكّاس
كتبتنا يا ناس زين المثايل = في ربعي اللي طيبهم ماله قياس
هذا ولا انسا طيب باقي الحمايل = اللي بهم ذيب وقرم وقرناس
هذا كلام الصدق والكذب زايل = اعوذ بك يا رب من كل خناس
شاعر وأميز جزلها و الهزايل = مثل الذهب ما احد يبدله بنحاس
وصلاة ربي عد وبل المخايل = على النبي وعداد ما هب نسناس

وعليكم السلام ورحمة الله وبركاته

الاخ العزيز الغالي والشاعر المجيّد " مسفر المصاير"

ابـــــــــــو نـــايــــــــــف

ابونايف يشهد الله انك اعجزتني وكبلتني بهذي القصيده النايفه

ابونايف صح الله السانك وعتلا شانك وزادك الله من مناهل فضله

قصيده ذات انسياب في المعاني وطراوه في المنطوق وغزاره

بما تحتويه من الحكم وتمتاز بسهولتها وعذابة كلماتها بمجرد قراتها

وهذي القصيده اتت من شاعر متمكن في اختيار اجزل الكلام

وشهاتي مجروحه فيك يابونايف.

وعز الله ان المصارير يستاهلون المدح جعلهم المعزه..

ابونايف اسأل الله رب العرش العظيم ان يبارك في فكرك واحساسك

لكي تتحفنا بما هو جديد من عذب قوافيك.

ابونايف اكرر شكري وتقديري واحترامي واعجابي واعتزازي في شخصك..

واسأل الله ان يجمعنى في مستقر رحمته

وان يضلنا تحت ضل عرشه يوم لا ضل إلا ضله .. اللهم اميين

اخوك في الله / فهد بن هـادي الغريري