::: مـنتدى قبيلـة الـدواسـر الـرسمي ::: - عرض مشاركة واحدة

**معلومات** **العضو** · 28-08-2006, 05:50 PM

اقتباس:

المشاركة الأصلية كتبت بواسطة مسفر المصارير

بسم الله الرحمن الرحيم
السلام عليكم ورحمة الله وبركاته
يسعدني ان اشارككم بهذه القصيده والتي خصيت بها قبيلتي
أسأل الله العلي القدير ان تحوز على رضاكم واستحسانكم
أقول :

كان الدعاوي عودة للقبايل = أنا من اهل الطيب عزه ونوماس
أهل العشر أهل الكرم والجمايل = معرب الجدان ومعرب الساس
لاد الحبيبي طيبين الخصايل = هي عزوتي اقولها رافع الراس
أفعالنا دايم فعولٍ جزايل = يحكا بها في كل فيه ومجلاس
قلنا وطلنا والفعايل دلايل = عدونا وقت اللقا دوم محتاس
عدونا ما حصل الا الفشايل = ناطا على راسه وبالرجل ينداس
تشهد لنا بالطيب كل الفصايل = وياكم لنا في ساحل الطيب نبراس
حنا المصارير كاسبين النفايل = كسابة الطالات مجلين الاعماس
منا طليفحٍ عريب السلايل = له قصة ما هي بتخفا على الناس
وحزام بن مشوط كريم السبايل = يا جعل يفدونه دلابيح الاجناس
له ضربةٍ تشفي النفوس العلايل = ما جات في عصر ابن أميه و عباس
في عصرنا الحالي وعصر الاوايل = بأفعالنا حزنا على الدرع والكاس
حنا بني تغلب عما كل عايل=لا جاء نهارٍ فيه الارياق يباس
منا كليب اللي للأمجاد نايل=و الزير سالم جنّب حماه جساس
نقبل على العدوان مثل المخايل=مثل الحرار الضاريه بالتنكّاس
كتبتنا يا ناس زين المثايل = في ربعي اللي طيبهم ماله قياس
هذا ولا انسا طيب باقي الحمايل = اللي بهم ذيب وقرم وقرناس
هذا كلام الصدق والكذب زايل = اعوذ بك يا رب من كل خناس
شاعر وأميز جزلها و الهزايل = مثل الذهب ما احد يبدله بنحاس
وصلاة ربي عد وبل المخايل = على النبي وعداد ما هب نسناس

وسلامتكم
تقبلوا وافر التقدير والاحترام
الشاعر : مسفر المصارير (( أبو نايف ))

الشاعر القدير والكبير : مسفر المصارير

ان اشهد إنها قصيدةٍ ترفع الراس لاعدمناك

والله وكفوووووووووووو بألاد الحبيبي

صح لسانك ملايييييييييييييييييين يالقرم على القصيده الجزله

بيض الله وجهك على الابداع الذي ليس بمستغرب منك يالقرم

لك اجمل وارق تحيه

محبك ومحب الجميع : دغش البطي