راشد حسن ابن الذيب العجمي
شااعر أشتهر بالطيب ومساعدته للناس ......وكان موظف بأرامكو سايق [ لوري]
........وكان يقوم بمعونه الناس الناس وتوصيلهم بدون أجره وكذلك يعاون
جماعته عندما يشدون بالبر فينقل امتعتهم
وأقترح عليه خويه بالعمل ان يأخذ كروه مقاابل توصيل الناس
وفي يومً من الايام أستوقفته عجوز وكان - محتااج للمال - فطلبت منه
معاونته ونقلها هي وأمتعتها وخيمتها للرحيل فخطرت عليه فكره خويه
وبما انه محتاااج ولايعرفها قال لها : بثلاثه ريال ......
فقالت العجوز : جعل منتب رااشد ................رح وبيجيني ابن الذيب
وبيوصلني بدون كروه
وهي مااتدري انه هو ابن الذيب ’’’’’ المهم , ضيقه هالامر ووصلها من دون أجره
وقال هالقصيده :
قالها ابن الذيب من هواجيس باله = كلمهً يلعب بها والبال زيني
قالها يومه طرى له ماطراله = من هواجيسً تشيب المرضعيني
غرني بعض الرجال بكثر ماله = ماادرى ان الموت في حبل المتيني
كيف ينفعني وبعض الناس خاله = ماايدوم البيت دام الساس طيني
ماش وين اللى عواايده الشكااله = مثل ابن ظافر حمد ليته يجيني
الثنا والجود دايم في خياله = علمه ظافر سلوم الطيبيني
جود العليا ولزمها عياله = وادركوا من علمته دنيا وديني
واهني من باع حضه واشتراا له = سار في درب النبي وأخزا اللعيني
موقفه مااكل الرجال ينااله = من بغا ممشاه يقعد مرتيني
حالفً ماخذ على الطرقي رياله = وبالثلاث محرمً انها ماتجيني
لالقيت اللى على السكه لحاله = يلتفت ويقول وين الطيبني
اوقف الموتر حيا وأبغى الجماله = يوم ولد الاش وجه مايليني
والطمع في كروه الرجلي رذاله = خص به وان جا مجال للغانميني
والردي في حالهً مهيب حاله =يااعوينه من كلاااام الطيبيني
الولد وان طاب طيبه من خواله = بالخوال يسئل قبل الوالديني
أركبه لعيون من زين دلاله = ماتحاكوا في قفاه الرامسيني
مبغى غيري وانا مابغا بداله =قاعدً لي في الرجا مده سنيني
مااقعدنا بالعمل نبغا الرزاله = نأخذ العليا طريق الفايزيني
اشرب الفنجال وأخلى البياله = طيبً واحب سلم الطيبيني
و رد عليه شاعرً - من الدواسر - بقصيده مجاراه لقصيدته
وهو الشاعر : مسعود بن عنبر الصخابره ....
ولم أحفظ من القصيده الا كم بيت
ويقول فيها :
ابن خر الذيب يطرا له جماله = عندنا مثله ربوعً طيبيني
عندنا ابن حسين يفعل ماطراله = يلطم العايل وهيفً لسميني
كم نقله خبرهً من حر ماله = لا لقاهم بالخلا متعطليني
ضوهم ضوه ودلالهم من دلاله = شوف عيني وأسمعوا يااحاضريني
الولد وان طاب طيبه من عمامه = وان تردى فعرف انهم خايبيني
- ابن حسين : هو دوسري من المصارير من اهل الهدار كان تاجرمشهور راعي حملات للجنوب
وكان مشهور بمسااعده الناس اللى يلقااهم في دربه ومعااونتهم على اتعاب الرحيل