[معلومات العضو المـزوون]

اللـــه يعطيــك العافيــه .. على .. ذا العلووم .. وسلمت يمــنااك .. اخوي . ابن وتيد
ولاهنت .. على ذا الطرح .. الاكثر من راائع ..


وذي ابيــات ... لعبدالله القاضي ... (( رحمه اللـه )) .. في وصف القهوه ..


يقوول ..

ياملّ قلبٍ كلمـا التـم بالاشفـاق ** من عام الاول دواكيـك وخفـوق

كنه مع الدلاّل يجلـب بالاسـواق ** وعامين عن معزّل الوسـط ماسـوق

يجاهد جنودٍ في سواهيـج الاطـراق ** ويكشف له اسرارٍ كتمها بصنـدوق

الى عن لك تذكار الاحباب واشتاق ** بالك وطاف بخاطرك طاري الشـوق

دنيت لي مـن غالـي البـن مـالاق ** بالكف ناقيها عن العـذف منسـوق

احمس ثلاثٍ يا نديمي علـى سـاق ** ريحه على جمر الغضا يفضح السـوق

واياك والنيـه وبالـك والاحـراق **واصحا تصير بحمسة البـن مطفـوق

الى اصفر لونها ثم بشـت بالاعـراق **صفرا كما الياقوت يضرب لها الموق

واعطت بريح فاخـر فاضـح فـاق **ريحه كما العنبر بالانفـاس منشـوق

دقه بنجـرٍ يسمعـه كـل مشتـاق **راعي الهوى يطرب الى دق بخفـوق

لقـم بدلـة مولّـع كنهـا سـاق **مصبوبـةٍ مربوبـةٍ تقـل غرنـوق

خله يفوح وراعي الكيـف يشتـاق ** الى طفح له جوهرٍ صـح لـه ذوق

أصفر قموره كالزمـرد بالاشعـاق ** وكبارها الطافح كما صافـي المـوق

زلّها على وضحا بها خمسـة ارنـاق ** هيلٍ ومسمار بالاسبـاب مسحـوق

مع زعفرانٍ والشمطري الى انسـاق ** والعنبر العالي على الطـاق مطبـوق

فيلا اجتمع هـذا وهـذا بتيفـاق ** صبه كفيت العوق عن كل مخلـوق

بفنجال صينٍ زاهيٍ عنـد الارمـاق ** يغضي بكرسيه كما اغضاي غرنـوق

الى انطلق من ثعبتـه تقـل شبـراق ** رنقٍ تصوّر للحمامه علـى الطـوق

شكّل على الفنجال لونـه الـى راق ** دم الغزال الى انمـزع منـه معلـوق

خمرٍ الـى منـه تسلـل بالاريـاق ** وعليه من ماء صافي الورد مدلـوق

راعيه كنّـه شـاربٍ ريـق تريـاق ** كاس الطرب وسرور من ذاق له ذوق

يحتاج من خمر السكارى الـى فـاق ** طفلٍ تمز اشفـاه والعنـق مفهـوق

عبثٍ يعيل بحبـةٍ مـا بعـد مـاق ** هو يزاهي باهـر البـدر بشعـوق

بين اشفتاه الى غنج حقـاق بـرّاق ** عجلٍ رفيفه باطنها الفـرج بطبـوق

سطرٍ كتب من حبر عينه بـالاوراق ** خديه صادين ونونيـن مـن فـوق

كنّ العرّق بخدودها جمـر الارنـاق ** ينثر على الوجنات باللون معشـوق

الا ابتسم شـعّ واشـرق بالافـاق ** نوره يفوق البدر سحـرٍ ومنطـوق

بالعنق كنّ المسك والـورق بـرّاق ** شخصٍ بصدره وذا الشاخ مدقـوق

يمشي برفقٍ خايفٍ مدمـج السـاق ** يفصم حجولٍ ضامها الثقل من فوق

الى حصل لك ساعةٍ وانت مشتـاق ** اقطف زهر مالاق والعمـر مفهـوق

فيلا حضر ماقلت عندي فـالارزاق ** بيـد كريـمٍ كافـلٍ كـل مخلـوق

وصلاة ربي عدد مـا بـارقٍ حـاق ** على النبي الهاشمـي خيـر مخلـوق








والعذر .. والسموحه .. على الاطاله ...


وتقبـــــــــــــــــل .... تحيـــــــــــــــــــــــــــــاتــــي ..



المـزوون ..