اقتباس:
|
المشاركة الأصلية كتبت بواسطة سلطان الليل
.
.
•
السـلام عليكمـ ورحمهـ الله وبركاتهـ
صبـاحـ.... مسـاء / الخيـر
/
\
حبـل المراجـل للأجاويـد مـمـدود=لكـن علـى ماقيـل صعـبٍ مـشـدَه
والطيب في يديـن المطاليـق موجـود=اللـي ليـا جـات اللـوازم تـسـدَه
والرابح اللي يفعـل الطيـب والجـود=وإن جـاء مجـال النعـم كـلٍ يعـدَه
شرواك ياللي تكسـب المـدح والفـود=غيثٍ زرع الأحسان مـن كـف يـدَه
أبو علي مطر له الطيب مشـهود=قـرمٍ لـه العليـا والأمــداح قــدَه
قـرمٍ تعـلاَ بالوفـاء عالـي الطـود=الطيـب فـي ساسـه وخالـه وجـدَه
لايامطر طيبـك بلا حد وحـدود=دايــم وكـفَـك للمعـالـي تـمـدَه
تفعل فعـول الطيـب والعلـم ماكـود=والنـاس تثنـي كـل طيـبٍ تـعـدَه
وأليا مدحتك بالوفاء عندي شهود= GR 115 أكبر جميلٍ نُـعـدَه
تسوقك الشيمة على الطيـب وتـزود=وتصبر علـى الكايـد بعـزمٍ وشـدَه
فالله يجيرك من عبث عيـن حاسـود=والله يديمـك ياأبيـض الوجـه مـدَه
وتعيش في أيـامٍ فـرح كلهـا سعـود=وتنـعـم بدنيـاكـم بلـيـا مـضـدَه
والطيب عند اللي له الطيـب معهـود=اللـي ليـا جـات اللـوازم يـسـدَه
/
\
أبو علي مطر/ الدكتـور مطـر بن علي المطيـري
GR 115 / أسم المـاده اللي أدرسهـا عند الدكتور مطـر |
الشاعر المبدع : سلطان الليل
يامرحبا والله ومسهلا ياابو هتان
عزالله لعزيز إنك ماقصرت يالقرم في رد الثناء للدكتور مطر المطيري
وهو فعل الطيب وأنت تستاهل المساعدة وهو يستاهل القصيدة
قصيدة قمة وروعة جداً ومادام إنه عطاك درجة A فيستاهل القصيد الطيب
والحقيقه هذه المادة المعقدة جداً قليل من يتعدى درجة النجاح بها
GR 115 الله يعينكم ياهل الجامعات على هذه المواد المعقدة
وعقبال المراتب العليا إن شاء الله تعالى
صح لسانك ملياراااااااااااااااااااااااااااااااااااااات وتعلى شانك
تقبل الود والتقدير والشكر والعرفان
محبك ومحب الجميع : أبو محمد