أنا لا بغيت أسج وأسلـى مـع الساليـن=تعـرض لقلبـي مـا يجـدّد معانـاتـه
همـومٍ بقلبـي طاولتنـي ثمـان سنيـن=هنّـي الـذي لا طـرّف الليـل ماجاتـه
وأنا في رجا اللي ما يخيّب رجا الداعيـن=يـعـدّل زمــانٍ كـاثـراتٍ ملفـاتـه
عرفنا من الدنيا صديـق القسـا والليـن=وصيور الرجل يِِبحـث خفـاه ونهاياتـه
ومن سَمْع ما هو بْمثل من شاف بالثنتين=ولا كل مـن يـروي تصـدق رواياتـه
ومعدن ردي الساس وقت اللـزوم يبيـن=ومعدن عريـب الجـد تظهـر علاماتـه
وسيع المعرفه واجبـه يرشـد الغاويـن=ولا كـل مـن قصّـر تقصّـر طويلاتـه
وعمى عيني الرجال يركض ورى المقفين=يسوم الكرامـه بالفلـس عنـد شماتـه
ولا يثلم الرجّـال مثـل الفقـر والديـن=ولا تنفـع المبغـوض كثـرة علاقـاتـه
ولا كل من سولف وغنى يجيـب الزيـن=هـدور المجالـس مـا تفيـده دعاياتـه
ولا يجرحك مثل الخطا من طرف غاليـن=وكـلٍ يجـي رزقـه علـى قِـدّ نياتـه
وراعا الوفا ينهج على منهـج الوافيـن=ومتصنّـع الطالـه تضيـع اتجاهـاتـه
وأنا منزلي عند النشامـا يسـر العيـن=وقسمي مع اهل الطيـب علّيـت راياتـه
هذي ترجمة هجسٍ لفاني عصر الاثنيـن=وكـل مـع هجسـه يترجـم معانـاتـه
الأخ الغالي/ ســــعـــــود ،،، لا هنت على نقل الجزاله ،، وجزيل الشكر على نقلك المتميز.
لا تبطي بجديدك يالغالي. مع خالص التحية و التقدير.