[معلومات العضو عبدالله أبن مصلح]

المشاركة الأصلية كتبت بواسطة محمد بن محسن بن حشفل

بمناسبة اقامه الحفل الثاني لقبيلة الدواسر في مدينة الدمام يوم الخميس الموافق 21/12/1427هـ

جيت عاني وحفل اهل المروه دعاني=في محل ٍ عزيز وقبلته من رجاله
ما دفعني عليه وجيت ناصيه عاني=كون يومه لزوم ٍ حفلهم ينعنا له
صوب منهم لهم بالمجد قدر ٍ وشاني=في سلوم المراجل كسبهم كل طاله
من بني عم واقرابٍ وربعٍ وعواني=كل شهم ٍ طريق الطيب يتبع مجاله
محفل ٍ فيه طاب الكيف والجو زاني=قام بارياء رجال ٍ يهتوون الجماله
كرروا عامه الثاني طوال اليماني=يحمل اسم الدواسر كاسبين الشكاله
لابةٍ فعلهم يعرف بكل المعاني=بالكرم والشجاعه والسخا والجزاله
من زبنهم نزل في ظفهم ما يهاني=ينجلي عنه همه عند وسم العصا له
وسعوا ملكهم في كل صوب ومكاني=في حماهم تحاموا واحتموا كل جاله
في مصالىالحرايب من قديم الزماني=كسروا شوك عماد الخطاء والجهاله
ونحمد اللي علينا جاد واظفى الاماني=زاد فظله لنا بالخير والشر زاله
في وطنا جميع الناس كنهم خواني=الولا لله المعبود ثم الولا له
غير دين الشريعه مالنا دين ثاني=تحت حكم العداله ما ندوّر بداله
في ذرى شيخنا شيخ الوفا والحساني=ابو متعب سندنا طيب الله فاله
ريفنا فخرنا من بين قاصي وداني=ذخرنا درعنا المخزون واناّ عياله
لا دعانا فحنا له عيان ٍ بياني=سعد عينه وجندٍ له على كل حاله

وسلامتكم جميعا

صح لسانك وعتلا شانك
جزله يابن حشفل , بيض الله وجهك , على مدح القبيله عامه
ويستهالون المدح الغرره
والله لايهينك