تريحو وتركوني يا عاواذيلي = كثر الحكي محرق(ن)كبدي وفاطرها
بمشي مع البل مادام الرجل تمشيلي = وادلّه النفس لين يطيب خاطرها
ممش(ن)مع البل في ارض(ن)علها السيلي = ومتجلي(ن)نوها من عقب ماطرها
والعشب ريحه عقب كثرالهماليلي = ريح احسن العطر في دكان عاطرها
تسوى حياة لحسّاب المحاصيلي = اللي ملا قربته ويذوق قاطرها
متمسك(ن)في زقم دنياه والذيلي = ما حسب لرحلته وش هي مخاطرها
ما يدري ان الرشا فوق المحاحيلي = النفس نيشان والرمّاي قاطرها
يالله ياللي بيدك العدل والميلي = يا كاتب فقر ناس وناس باطرها
فزعتك ما دمت في دنياي ممهيلي = من كية(ن)تنجح الكبد بمخاطرها
ومن حاجة(ن)للرخوم من الرجاجيلي = اللي على الخد الادنى كنك ساطرها
وطالبك حسن الختام إيلا فتر حيلي = يا خالق النفس يا عالم خواطرها
الشاعر :- سالم ابن صمهود
[/center]