[معلومات العضو نايف الخييلي]

هــذه إحــدى قصايد راكان بن حثلين عندما كان بالأسـر عند التــرك

وكان معــه مرافق له أسمه خليــف وكان يواسي راكان ويسليه

فقــال له : شــف الزين والجمال... وقال له راكان : الزين في نجد مهوب ذا زين

وقال بهالمناسبــه هذه القصيــده اللى تذكر دياره وتمنى الرحيل لها


يقول ابن حثلين:

ياخليف انا قلبي همومه تعوقه = عزي لقلبً مولعً جاه ماجاه
قلبي كما طيرً تتله سبوقه = يبي العشا ومجود الطير خلاه
وجـدي على ربـعً دبشها تسوقه = وجدي عليهم والحق الويل ويلاه
لاقالوا الصمان ناضت بروقه = من هجر ناتي بالمدلل ونرعاه
بجمعً ضريرً ماضيات طروقه = دايم طروقه من قديمً مخلاه
نهّاج جزلات الجماهي غبوقه = كم شيخ قومــن بالملاقات ناطاه
هواشم شبل الضرايا نعوقه = لازم كبير القوم تكثر نعاياه
وقصيرنا لناموس يمشي بسوقه = على الكرامه لين تقفي رعاياه
نشيل حمله من علاوي وسوقه = ومن بيننا يقلط على مؤخر الشاه