السلام عليكم ورحمة الله وبركاته
إن ناس مقصرين في حقوق ربنا كثير وعسى الله يغفر لنا ذونوبنا ويهدينا..
لاهين مع الدنيا وتلاقي الواحد منا في هاالاجازه سهر طول الليل على معاصي ومايفكر انه يفتح المصحف وإلا يصلي له ركعتين..
وهجرنا للقران مشكله كبيرة نعاني منها وهي سبب لكثير من مشاكلنا واضطراباتنا النفسيه((ألا بذكر الله تطمئن القلوب))..
وعشان كذا حبيت افتح لكم هالموضوع نذكر بعض فيه يوميا بقرأة لو جزء يسير من القران بحيث ان الواحد اذا دخل المنتدى يمر علينا يعلمنا كم قرأ اليوم وياليت يصير فيه مصداقيه عشان فعلا يتحمس الواحد واللي ماقرأ شي ترى ماهو ملزوم يجي ...
وياليت تكون حمله نشنها كلنا يا أعضاء المنتدى ضد هجر القران وتراني راجي من الله فيكم كلكم خير وان شاء الله ان هالاجازه ماتخلص الا وانا كلنا خاتمين القران ونرجع نختمه مره ثانيه..
وتذكروا دايما الاجر الكبير اللي ماياخذ منكم الا الوقت اليسير ((كل حرف بحسنه والحسنه تضاعف الى عشر امثالها الى سبع مائة ضعف))
ليه نضيع علينا الاجر الكبير عشان ملذات دنيا زائله وماياخذ منك الموضوع الا كم دقيقه في اليوم وبعدها انت حر في وقتك ولو تخصص لها وقت معين ماراح تاخذ منك شي وراح تتعود عليها يعني لو تحدد مثلا وقت مابعد صلاة الفجر تمسك لك المصحف وتقرأ لك شوي ..
والله لايحرمنا جميعا الاجر