::: مـنتدى قبيلـة الـدواسـر الـرسمي ::: - عرض مشاركة واحدة

**معلومات** **العضو** · 28-04-2007, 10:17 PM

اقتباس:

المشاركة الأصلية كتبت بواسطة سالم بن صمهود


	البارحه يوم كل( ن )نام بفراشه = اناهجوسي عن المرقد تقزيني العين عيـت تهنا لـو بغلمـاشه = كن السهر له مواثيق( ن )مع عيني علم البويضا خزاين صبري احتاشه = والكبد كنه يفلحها بسكيني وضحى( ن )من الذودكنها في الدبش باشه = خزيزةاللي يغزي القوم الاقصيني مــا هيب نــاقة شريطيه وقـــراشه = ولا رددوها الشــواوي مع بعـــاريني ومجيها يوم جت ما جات بخشاشه = جت واشهب الملح غادن له دخاخيني وضحى( ن)الى سمعت الهوبال شواشه = تدجر الى سمعت اصوات المغنيني يحبها اللي يشوش وفيه شوباشه = لاجا نهار ( ن ) خصومه فيه عسريني عسى هميدان يبطي السيل ما ناشه = عسى المطر ما يمره عدة اسنيني يجيه صلف العجاج يطير اقشاشه = ومن سو ما جاه يابس رمثه بحيني ولا تجيه البشر لو كان طراشه = اقربهم اللي يمر البزم والنيني وعسى الحسود العمى والسم في جاشه = وعساه قل العيال وكثرة الديني جعله يموت بفقر والمال ما حاشه = وتبلاه غبر السنين بحرب الادنيني وما ناض برق المزون وما مطر ارشاشه = صلوا على من بعثه الله بالديني

سالم بن صمهود

صح لسانك حتى ترضى طال عمرك

وبيض الله و جهك على هالرائعة

تقبل مودتي ولا تخلينا من مثيلاتها ،،،