[معلومات العضو مسفر المصارير]

بسم الله الرحمن الرحيم

الأخوه الكرام

السلام عليكم ورحمة الله و بركاته

يسرني مشاركتكم بهذه الابيات البسيطه

و إن شاء الله تنال اعجابكم

أقول فيها :

يا نذل كل الناس تكرهك يا نذل = مدري وش انت محصلٍ فالنذاله
لا طعم لا لون و لا هي لها شكل = و لا هي تحطك مع رجال الشكاله
حيث النذاله فعل يا مشينه فعل = صفة ذميمه من صفات الرذاله
ويا اللي مخاوي نذل هو يخذلك خذل = حاول تدور يا السنافي بداله
عليك با اللي لا فعل يفعل الجزل = اللي فعول الطيب هي راس ماله
اللي ليا منك زهمته يجي عجل = و الحمل لو هو كنه طويق شاله
الناس واجد شكل ما هو كما شكل = ناسٍ يسرونك و ناسٍ حثاله
الجزل يا الشجعان ما يشبه الهزل = الفرق واضح ما يبي له ادلاله
الأخلاق هي و الدين و الطيب و العقل = من غيرها الرجال جهل و جهاله

و سلامة الجميع

أخوكم الشاعر : مسفر المصارير

أبو نايف