اقتباس:
|
المشاركة الأصلية كتبت بواسطة دغش البطي
السلام عليكم ورحمة الله وبركاته وبعد
أقدم لكم هذه القصيدة حسن طلب أخي العزيز (الرمح )
واللتي أتمنى من قلبي أن تعجبه وترقى لذائقة جميع المتابعين
والشكر موصول لمن مر من هنا وسجَل تعقيبه وتوقيعه
الله مـن عيـنٍ لهـا النـوم مــالاق=ياكـون خاطـي غفـوةٍ فـي دقيقـه
روابـعٍ جتنـي جسيمـات وإدقــاق=من عقبها والصدر جاء فيـه ضيقـه
ضاقت بي الدنيـا الوسيعـة والآفـاق=وأمسيت في بحـر الهمـوم الغميقـه
أسبابهـا لوعـات وآهـات وإفـراق=فرقا الرفيقِ إليا إنتـزح عـن رفيقـه
ياشين فرقى اللي لـه القلـب يشتـاق=ياشينِ فرقـى عاشـقٍ عـن عشيقـه
إقطعـك يادنيـاً وراهــا التـفـرَاق=كـم فرَقـت بيـن الشقيـق وشقيقـه
لكـن أنـا بآقـولِ قــولٍ بميـثـاق=قـول السديـري للقلـوب الرقيـقـه
ياليت ربـي ماخلـق حـب وإفـراق=ولايجي فـي الحـب شـيءٍ يعيقـه
يوم الخميس اللي مضى وقت الأشراق=تفجَـرت بأقصـى الظمايـر حريقـه
علـمٍ لفانـي عقبـه القلـب مافـاق=ياليتهـا كذبـه ولاجــات حقيـقـه
قالوْ عشيـرك يادغـش للعهـد بـاق=بـاق العهـود الماضيـاتِ الوثيـقـه
قلت أخبروني ياعرب صرت منعـاق=قالوْ غزيـر الزيـن راحـت وسيقـه
تزوجـت معشوقتـك وأنـت عشَـاق=تطـرد سـرابٍ مايسـرَك بريـقـه
وأخذتنالـي قطعـة أيــام بسـيـاق=آحـل وأربـط والمشاعـر شفيـقـه
لين إتضحلـي منـه عقـب التحقَـاق=وعرفتنـا العلـم الخفـي والحقيقـه
زواجها غصبٍ مـن الوالـد العـاق=ومجبـورةٍ غصـبٍ علـى ماتطيقـه
فلاصار أبوها من شريسين الأخـلاق=لايستـمـع للـشـورِ ولا يطـيـقـه
ودَه ينـفـذ ماطـرالـه ومـــالاق=لو كان ربعه تعتـرض فـي طريقـه
ماهمَه اللـي بالهـوى راح محـراق=ولو كان كل النـاس راحـت حريقـه
فحسبـي عليكـم ياخبيثيـن الأعمـاق=الله يـزيـل الظالمـيـن المعـيـقـه
يوم إحرموني سيـدِ تلعـات الأعنـاق=زيـن الحلايـا والوصايـف خليقـه
مـن عقبهـا والجـو للبـال مـاراق=ومـن عقبهـا ماتـت ورود الحديقـه
وأسج وأرجع مع ذعاذيـع الأشـواق=وأجلس بقاع الرجـم ساعـه وأويقـه
ومن بعدها نكتب على بيـض الأوراق=بيوتِ شعـرٍ فـي الغـزال الرشيقـه
أربها تجبـر عـزى خاطـرٍ ضـاق=وتحسن عزى قلـبٍ سبوقـه طليقـه
وياليت ربي ماخلـق حـب وإفـراق=ولاحصل في الحـب شـيءٍ يعيقـه
مع تحيات محب الجميع : دغش البطي |
صح لسانك والله لا يهينك علي هذه الفاتنه
تقبل تحياتي وسجل اعجابي