[معلومات العضو عاشق سراب]

مادري علام الحال ياصاحبي اشفيه=هل هو مرض او علة داخليه
عجزت ياللي تفهم القول اداويه=لاوصفت فادت ولازان ليّه
من جور مابي هم فكري يناجيه=ومن زود مابي جار وقتي بغيّه
خمسة عشر حجه ابي الدرب واخطيه=ونهايته ماتصدق ان قلت هيّه
تضحك سنوني وانقل الهم واخفيه=من حاسد يبغى يتشمت عليّه
يكفيني ان صويحبي مصافي وجيه=انا على الصالي وهو بظل فيّه
متى خبرنا فاقد الشئ يعطيه=والا العمل ينفع بلا عقد نيّه
ماشالت الوجعان وصفة مداويه=متعلق بين الرجا والمنيّه