بسم الله الرحمن الرحيم
اول شي حيالله هل الذيابه
ثاني شي كلمه عن بن لعبون
هو شاعر معروف انتقل من مدينة ثادق بعد ماعاش بها 17 سنه
الى الزبير والزبير بلد انتقلت له كثير من العشاير النجديه
وفي نهاية عمره توفي رحمة الله عليه بالطاعون بمنفاه بالكويت
وصادف يوم موته موت حاكم الزبير اللذي نفاه بنفس المرض وهي من بعض المفارقات العجيبه
المهم الشاعر قيل عنه انه دوسري وقيل عنزي
والارجح انه دوسري لتاكيد ذلك احد احفاده اللذين على قيد الحياه
وايضا لقوله
حناهل الوادي وحنا المناعير وحنا ودينا جارنا من جداره
وهذا البيت من القصيده اللي باكتبها
..........
هذي احدا القصايد الهجائيه اللي قالها بن لعبون في عبدالله بن ربيعه
...........
واشارفيها الى ما اشتهر به اباؤه من صناعة الحداده000ميد بن ربيعه يالنشامه0000وانهم يقضون ايامهم عاكفين علا الكير
وامه صانعة ثياب وكفى بذلك مهانة وعار
؟؟؟؟؟؟؟؟
المهم لكن بن لعبون لم يفحش بالكلام رغم طعنه بنسب الشاعر بن ربيعه وهذه من عادات العرب
وفي بداية القصيد يعرف بنفسه وبقومه ويذكر بعض تواريخهم الاوهم لدواسر ويمدحهم ويثني عليهم ثم يبدا بهجا بن ربيعه وقومه زمن الابيات نرى ما يؤكد افتخاره بانه دوسري بذكره عدت مواضيع
1_وداية الجار وهي مفخره للدواسر كافه والوداعين خاصه
2-قصة اجارت جريس اليماني
3-خطلان الايدي=وهي من اوصاف الدواسر
انسان يفخر بكل فعول الدواسر فكيف لا يكون منهم؟؟
واسلمو قصيدة بن لعبون
البارحـه اسهـر وديـر التفاكير...=.فـي ذم نـذل بـادي بالعـيـاره
لاطالـب(ن)دم يبـي لـه مثاوير...=.حتـى نعـذر لـو طلبنـا بثـاره
ولا صان عرضه لو بوسط الدواوير..=..ولا هو بيطلبنـا بقايـا تجـاره
من غير ذنب(ن) اركا في قفانا مسامير.=.واشرف علينا ناظر بعين الحقاره
وحنا هل الوادي وحنا المناعير..=..وحنـا ودينـا جارنـا مـن جـداره
يشهد لنا جريس اليماني بتفخير..=..يوم عن هـل الديـن محـدن اجـاره
ماحدرت وديان بيشه مياسير ..=...كـل اليمـن بالسيـف نملـك ديـاره
عن المجد انشد بني يام ومطير.=...وانشد جماجـم روسهـم عنـد واره
خطلان الايدي كالاسود الهزابير...=..مقابسـن للحـرب وانشـب نـاره
منداتهم يشبع بها النسر والطير..=...بيـوم تغبـت شمسهـا فـي نهـاره
حريبهم لو كـان دونـه نواطير...=..لابـد مـا يفجـع صبـاح بغـاره
خذ ماتراه وخل عنك الخماكير...=..من شق جيـب النـاس شقـو وزاره
ترا ذهاب النمل سعيه بتطيير....=.. خذ راسهـا باللـي تنعـزت قـاره
عن قولتك ولد حسن جـده صنيفير..=..النـاس كرعـان وجـده فقـاره
شيخ نشا ماداس عرضه بتصغير....=.ولا قبل يـوم جـد عينـه بجـاره
اخذ الصحيح ان كان قصدك معايير.=..العيب من دار الخمـر والدعـاره
ويماك تقصر عن فعل نية الخير..=..ومن المراجل مـا ذكربـك نمـاره
حمراك ما تذكر تلاقي المشاهير...=.ومقطمـره بالسفـح تبغـي النيـره
لو انت في حصنن رفيع المقاصير...=..تنير وسط الليـل ماهـي نيـاره
من طلعتك سهمتك رقص وتسطير..=..وبالعون ما بك عقب شعرك تجاره
تفخر بسلطان العرب وانت من غير..=..ما مفخر البزون ليـث المغـاره
تدري بجدك من مقافي بقاقير...=..جالي وحطـه مقرنـن فـي جـواره
خلاه بالخدمه بدار الخطاطير.=...ومـن عقـب ذا داره برسـم العشـاره
وملفاك تركي يوم جيته بتزوير..=..عن اصلك ثـم اطلعـك فـي نهـاره
واقفيت تشتم للصفرا والبير.....=..وتقول عـود جيـت الـه واخسـاره
واقفلت من نجد تباري الحدادير..=.. ومن عقب ذا شفت خضرة اديـاره
لو انت منهم مرضوا لـك بتحقير.=...عنـد القبايـل مظهريـن الوقـاره
ياعبيد جد امك يفحج علـى الكير.=...اصلـه صليبـي يـدق الصفـاره
شطر بصنعه للحذا والمسامير...=...وذقنه شواه الكير لا هـب شـراره
عينت ثاقب تاخـذه بنـت بنقيـر..=. شقحـا بطيـن وداخليـن طهـاره
في وسط عانه تسدى الغزل وتديـر..=..وزود لهلهـا بالحكايـه تجـاره
ياعبيد ابن عمك خواله بياسير....=...وعينك عمت من شوف عيبك وعاره
وان طعتني خل السباع المظاهير ..=..عندك اخو مريـم تصلفـط بـداره
ابو صباح ريف ركب معابير....=..هو زبن مضيوف جلا عنـد اديـاره
جابر لكم سدرة وانتم عصافير...=..لا ضيم عصفور(ن) لجا في جـواره
يستاهل البيضا بروس المقاصير...=..واولاده اللـي كـل منهـم iنعـاره
واللي ظهر ياعبيد من جمة البير..=...يكـرم وسامعهـا جزيتـه iنكـاره
وانكان دارتنا الهبايب على خير....=..الا نجـر ابهـا الربابـهiوطـاره