اخواني الاعزاء ....
أسعد الله أوقاتكم بكل خير ...
اترككم مع نبذة بسيطه عن الشاعر / عبدالله بن حزيم الدوسري(( الدندان )) وقصيدة له:
نسبه:- هو ( عبدالله بن محمد بن حزيم الحرارشة ) من قبيلة ( الرجبان ) من قبائل ( الدواسر ) الكبيرة والمعروفة .
ميلاده :- يقال أنه ولد في تاريخ ( 1335 هجري - والله أعلم ) في مدينته ( اللدام ) وهي مدينة معروفة من أشهر مدن ( وادي الدواسر ) والذي كان يقطنها جماعته من قبيلة ( الرجبان ) ومنها أنتقل الى البادية وهو في أول شبابه .
الـــــــــــــــــقــــــــــــــــــــصـــــــــ ــــــيدة: على الطرق المروبع
يا نديبي فـوق عمانـي=نضو يرعى به الدندانـي
ياطا بفجـوج الحزمانـي=مـا ينـذاد الا باللاحـي
نضـوٍ عجـل لا درهـم=مثل الجني لامـن أرهـم
لا لا حبله يوم أستبـرم=كان اللي فوقه قد طاحـي
هيض عيني فـي فزاتـه=قـد عذبنـي بملاواتـه
عجل زولـه فـي جاتـه=لا من دفلج من المراوحي
جود مسك في مصلابـه=وأحذر عمـرك ياركابـه
وألزم حبله يـا قضابـه=لا من هـاوز للجماحـي
أماكنـه هيـق غـايـر=وألا كنـه طيـر طايـر
يهوي من روس الجداير=لا منه شاف الملواحـي
يسرح من لمـة فريقـه=لا منه أحمى في طريقـه
يخلف رأيك من زريقـه=كنه خطوى نجم طاحـي
كن الفند الناعـم ساقـه=وأخبر لا لا قـو حلاقـه
ما يبقـى عليـه علاقـه=يطوي ديـان البراحـي
ما ينغـط ليـا غطيتـه=يعجب عينـك لا تليتـه
هاثم تلـك ثـم أرخيتـه=كن يديه يـدي سباحـي
أحمر لونه مشيه بـارع=كنه خطوى هيق خـارع
ما ينذاد لقـرع القـارع=عجه كنه زرق رماحـي
شبرٍ زوره من كرسوعه=قيسة حفه يوم يزوعه
مثل ريالً تو صنوعه=يجمع هذيلٍ ودباحي
ما أوحى الراكب دمث ردوفه=عنده علمً يخلف حوفه
كن البردا ضرب كفوفه=لا ادلج فالحزم الصحصاحي
يدوي مثل دوي الذيبي=لا بيطير ولا يمشي بي
فان جاء مهجاج الحضيبي=خزّ وفزّ ونزّ وراحي
وسلامتكم ,,,
(( رحم الله شاعرنا الكبير الدندان وجعل مثواه الجنه ))
أخوك/ عبدالرحمن الشرافي