[معلومات العضو ولد عطا]

السـلام عليـكم ورحمـة اللـه وبركـاته

قصيـده أتمنـا أنها تعجـب قـارئـها

ولا تبخلـون بـ الـرد وأدلاء رأيكـم

ابدي بذكر مشاهدن كل مكنون = الي رفع سبعـن وسبـع انســطاحــه
خل السمك في عقب الآبحار مرهون= ينزل على قوعـه ويرقا سبــاحــه
وأنا على المقناص شفقن ومفتون = مثل بدوين شاف برقن ولاحـــه
ولا كما ما يشفق الي يحبون= الي من الفرقا كثير النياحــه
ولا همي بالطير ناسـن يلومون= الي تساوي ليلهم مع صباحــه
والرزق عند الي لـه الناس يرجون = الي جعل لــلاّدمي انفصاحــه
والصيد وفقـه وأكثر الناس يدرون =لا شك بعض الناس فيها شفاحــه
مقناصهم يومين عقبـه يملون = ودايم تضيقبهم وسيـع المساحــه
وان كثرت الآرياء وشاروا يضيعون= ومن سمع راي مسبـه العقل شاحـه
تجيلهم طلبه ولازم يلجـــون =تلقا بهم منهو كثيرن صياحــه
وإما حصل مقناص هونـن على هـون .= في خايعــن ريـح النفل فيـه فاحــه
مع خوة رجالــن لقلبك يمونــون = ناس يعرفون الكرم والسماحــه
لا حل وقتـن للفريضــة يصــلون = ويسعــون دايم للخــوي بالنصاحــه
ما دون عشـر أيام مقناص ما دون = كنهم عليها ناويـيـن السياحــه
يلقونها ولله ما هو شرط يلقــون =يبــون بــس صدورهم لنشراحــه
قبل تغيب الشمس لازم يحطــون =يبولهم عقب المـداويـر راحــه
تلقا المقهوى بينهم ويتقهــون = ولا فيهم الي ناويـن بنسـداحــه
وهروجهم ماهيب قولــت يقولون = سوالف علوم الهدد والطراحــه
هذا الكلام الي مرتـب وموزون = ولا خيـر فيه من لا يقول الصراحــه
ولا بــلا مقناص من دون قانــون = ماينعرف تعويته من مراحــه

أتمنـا من الـي دش يقـول رايـه