[معلومات العضو محمد فراج الدوسري]

السلام عليكم

البعض يعتقد ان في القصيده بما يسمى نشر الغسيل
العالم باكمله يتحاور ويناقشون ويحاسبون المخطئ ويثنون على الناجحين
بما فيهم الكونغرس والهيئات الدوليه والمحليه بما فيهم مركز مجلس الشورى الموقر وعلى الهوى
الا نحن في وادي الدواسر كل قضايانا يجب ان نحتكره في ادراج الجهل والغموض0000الخ
فالمعذره على كل من يخالفني الراي ولنكن حضاريون في اطروحاتنا ونقاشنا -للجميع الود والورد
=====

أضرموا النيران في جهم المناين=واحرقوا ملاّكها حرق المطيّه
العوض بالله يعوضهم جناين=أبشروا بالخير من رب البريّه
ثم ابو متعب أملهم يوم عاين=في نفو ق النوق وحقوق الرعيّه
صلب جدي يالدواسر المكاين=تشتغل والماء توّه في الركيّه
احرثوا ثم ازرعوا عجف السناين=مازرعتوا تحصدونه بالمشيّه
التباين بينهم ماهوب باين=والمزاين عندهم حوض المنيّه
إما مهايط بعضهم ولا خاين=ولا حاسد وغلبيتهم معيّه
للأسف من بينهم حقد وغباين=كن مابه تغلب ولا زايديّه
ماعرفنا للدواسر أي كاين=كل واحد قايدٍ قدم السريّه
من طناخة روسهم صاروا زباين=من رداة حظوظهم صاروا شويّه
من بعد عرش اليمن سكنا المداين=هم ملوك الأزد روس التغلبيّه
هبي بصحنك مانبغى كاس واين =شببيهم فزعه رجال الحميّه
وحدوها صفوفكم فكّوا الرهاين=لا تحصرون المزاين في المطيّة