أبسج من ذاتي لذاتي مع ذاتي=وذات المشقى وين ماراح هي ذاته
أنادي ولابه من يلبّي نداءاتي=ياروح المشقى ماسمعتي مناداته
أدوّر عليك وانت ِذرّه بذراتي=مكانك هناوسط المحاني ونبضاته
انا مادري من إين ولوين إتجاهاتي=أبي من يضم القلب وبلملم اشتاته
صويب المحبه آه ماكثر إصاباتي=تزيد الجروح جروح وتزيد طعناته
على صفحت الذكرى رسمتك بلوحاتي=وحبر القلم دمي وقلبي هو دواته
ولابه أمل يا دنيتي إلاتحياتي=يضيق الفضا والصدر يا كبر هقواته
أبي فاكسك العاجل يبرمج طموحاتي=وانا رهن إشارات الغلى يا محطاته
على خيراشوفك لو بعد في مناماتي=وعسى الله يجمعني بك بدار جناته