[معلومات العضو المسعري]

المشاركة الأصلية كتبت بواسطة أحمد الغاطي

السلام عليكم وبعد ،،

من أرشيفي وأتمنى قبولها ،،

ياهمومٍ كل ماتارد عليّـه=تنهش الخفاق حمّال الاسايا
كل همٍ لاعوا جاوب خويه=ثم لجت بالصدى حدب الحنايا
صابرٍ مابين ذيك وبين ذيّـه=ولاَشكيت لغير علاّم الخفايا
ضاحكٍ للناس وجروحي نديه=خوف من شامت يحّسب لي اخطايا
أن درى بحالي على مثلي رزيه=راحت علومي على كل الروايا
لـجل هذا صابرٍ لارحم حيه=لويذوق الموت مايلحق مدايا
أتفادى طعون عذاّل الخطيه=وأتحمّل جرح وضاّح الثنايا
سالمٍ راسي ولو ذاق المنيه=مايسمّعهم عقب هدري رغايا
عزتي مبداي والدنيا دنيه=لعنبو نفوسٍ من العزه عرايا
وكان ضاقت هالفجوج الجرهديه=دون راس المال زعزعت الحمايا
بجدها الاول نخيت الدوسريه=سيفي الساطي ودرعي من ورايا
منهم حزامه بضيقه واهنيه=تصغر بعينه كبيرات البلايا
وخل شين الوقت لويخلف نويه=يعتدل لاجوه مضيفين المنايا
ولاحسبت احساب من كل البريه=دام فيها دوسري يسمع ندايا

وسلامتكم

احمد الغاطي
لله درك ياشايخ
وربي انها دره من دررك التي لاتقدر بثمن ولاتوجد الا في ارشيف احمد الغاطي
احمد
تغيب مده ثم تعود لنا متألق
صدقني وبدون مجامله ان هذي الدره تسوى كثير وكثير من القصيد