هذه ألقصيدة مرسلة من ألأمير عبدالعزيز السديري
الجود شيخ تملكه عدة اطراف=بس ألمراجل حالف أنك ولدها
عريب جد وحاوين كل الأعراف=دنياك جنة وفعلك رغدها
كن العلوم ألطيبة عندك اهداف= صارت فريسة وأنت كنك اسدها
فرديت عليه بهذه الأبيات ألمتواضعة
ألجود فرشك وحطيته لك لحاف=مفرشٍ وملحفٍ ياسندها
من لابةٍ للمجد ترقى له خفاف=سقيم رايٍ من وقف في نصدها
يوم ألليالي بها جوع وعجاف=تعطي العطايا ما ترجي رددها
ينصاك من جاع وينصاك من خاف=وتنصاك يدٍ قصرت في مددها
وينصاك من عليه كثرة خلاف=يامقدم الفرسان ياشيخ قدها
ضيدان الدوسري