[معلومات العضو عبدالله الحافر الغييثي]

المشاركة الأصلية كتبت بواسطة ابو زيد الغييثي

بعض العرب في السانـه ياكلـه حكـه=والى هـرج هرجتـه زوراً وبهتانـي
يبني كلامه علـى الحيـلات والشكـه= يضحك بوجهي والـى قفّيـت يقفانـي
حتى لو أنـي مسافرناصـي(ن) مكـه=يقـول سافـر يبـي كـازا ولبنانـي
وانا ماجبت الثقه مـن مجلـس الدكـه= ولاني بحاجـه لمـدح فـلان وفلانـي
عيني مراتي واعرف الطيب لـه سكـه= وامشي على درب ابوي ودرب جدانـي
ولالي هوايه مـع اللـي يلعـب الاكـه= ميدان لعب الـورق ماهـوب ميدانـي
أنابرايـي اعـقـد الحـبـل وافـكـه=احسب احساب الخوي واقـدر العانـي
وباب النصيحه من اهل الطيب ما اصكه= ان جت من ابعيد وان جتني من الدانـي
واللي كلامـه يجـي كالدبـس فالعكـه=مااقبل كلامه ولو حتـى مـن اخوانـي
الله خلـق فالجزيـره نـاس مشتـكـه= والاصل مابيـن قحطانـي وعدنانـي
المجلس اللي يجيـب الضيـق والتكـه= اصـد والقـا بدالـه مجلس(ن)ثـانـي

حي الرجال وحي ما جاب

من طول الغيبات جاب الغنايم

ولكن انت جبت لي فورد رايح في خرايطها! هه

بس جيت بتخير بيت منها عينتها كله درر والدرر تجي من بو مطر




محبكـ ومغليكـ

ابو زيد الغييثي

هلا وغلا وابشر بالغنايم
لكن الفرت الله الله فيه لاتكسره بأخس الاثمان تراه غالي عندي
وشف مطنوخ سمعت انه يدور له على فرت مثل الفرت اللي عندي
والا هايف يروح عليه يم الديار اللي هو فيها
يقول مايعرف يسوق مواترهم
بعه عليه وتراه مدير يعني عنده فلوس تحزز في موترنا لاتكسره