اقتباس:
المشاركة الأصلية كتبت بواسطة مسفر المصارير
بسم الله الرحمن الرحيم
اخواني الكرام
السلام عليكم ورحمة الله و بركاته
و بعد يسرني مشاركتكم بهذه القصيده
و هي في المرحوم الشيخ : هادي بن سعد بن محمد المصارير
و طيبه و ذكره الطيبهو ما دفعني لكتابة القصيده فيه رحمه الله
و هي قليلٍ في حقه
أقووووووووول :
البارحه يوم أن نور القمر مال = وعيـون خلـق الله غلبهـا الرقـادي
غارت علي همومي أنـواع وأشكـال = هجـاد ... ياليـل العنـا والهجـادي
هاذي تعل القلب مـن عقـب الانهـال = وهاذيك تطعن فـي رهيـف الهنـادي
لين أقتلت في مهجتـي كـل الآمـال = وأعلنـت فالقلـب الجريـح الحـدادي
ويوم أني خفت الهم يلحق على الحـال = قدحت في جـوف القصيـد الزنـادي
وسويتلـي دلـه وصبيـت فنـجـال = لـ.. هل المثايل فيـه سبـع القنـادي
ألقابـه السلـوان مـع راحـة البـال = كنـي هـل النـدّر نهـار الـهـدادي
وعقب أرجهن البال فكـرّت فالحـال = واقع مرير .. لوقالت النـاس عـادي
ناسٍ تحسب الطيب في زيف الأقـوال = هاموا علـى ماقيـل فـي كـل وادي
هم يحسبون النـاس تجهـل بالأفعـال = لاصـار ماللقـول ناتـج حـصـادي
يالله دخيلك من بلى بعـض الاحـوال = لاسلم .. لامذهب .. ولامـن مبـادي
وقامت هجوسي تحتضر بعض الازوال = بادوا لكَن الطيـب منهـم مـ.. بـادي
والطيـب يبقـى لوتقافـن الأجـيـال = تفنـا اليديـن ويبقـى نقـش الأيـادي
وراعي الكرم والطيب تضرّبه أمثـال = في سيرتـه ماجـف حبـر المـدادي
مثل السخي شيخ الكرم طيـب الفـال = ألـي شهدولـه حضرهـا والبـوادي
شيخٍ لعينا الطيب يدعس علـى المـال = عنده كريم النـاس صـار أقتصـادي!
له مجلـسٍ للخلـق منـزل ومدهـال = وريـفٍ لربعـه فالسنيـن الـشـدادي
وألا مواقيفـه مواقـيـف الأبـطـال = ياقف آلين يجـلا البيـاض السـوادي
ولو تلحقـه سـو المنايـا والأهـوال = عن موقفـه ماأهتـز طرفـه وحـادي
أبوسعـد لاصكـت الجـال فالـجـال = له فزعـة مهلهـل وصبـر المهـادي
من روس لابه مجدها بروس الأقـذال = لاد الحبيبـي سقـم كبـد المـعـادي
رحـل وقفّـى لكـن الطيـب مـازال = لاطروّا أسمـه فـاح عنبـر وكـادي
رحل وورّث عاطـر الذكـر وعيـال = ذخيرتـن تسـوا كـنـوز الـبـلادي
ولوقيل مات الطيب من مـوت رجـال = لقول مات الطيب مـن مـوت هـادي
فيـاالله يامنـزل تـبـارك والأنـفـال = محصي القرون المرمسـه والجـدادي
ياباسـط الارضيـن وأوتادهـا جبـال = ويارافعـن سـبـعٍ بلـيـا عـمـادي
تمـد قبـره عشـرة أميـال بأمـيـال = مد البصـر شـوق النظـر ياجـوادي
وتمطر عليـه امـن الهماليـل همـاّل = نـوّنٍ ينثّـر مـاه رايــح وغــادي
وتجعل له الفردوس مـاوى ومنـزال = وتضلـه بضلـك بـيـوم التـنـادي
مـع النبـي وأصحابـه الغـر والآل = آمين .. في جاهـك يـارب العبـادي
و سلامة الجميع
أخوكم الشاعر : مسفر المصارير
أبو نايف |
لله درك على ذالقصيده الرائعه التي تكتب بماء الذهب
لله درك على ذالقصيده الرائعه التي تكتب بماء الذهب
لله درك على ذالقصيده الرائعه التي تكتب بماء الذهب
لله درك على ذالقصيده الرائعه التي تكتب بماء الذهب
لله درك على ذالقصيده الرائعه التي تكتب بماء الذهب
تسلسل قوة معنى وأفكار جديده وطول نفس وشاعريه لامتناهيه
أخوي الشاعر مسفر المصارير يكفينا فخر أن بينا في منتدانا
شاعر بحجم شاعريتك أقولها بصراحه وبدون مجامله ولو كنت
بجامل جاملت بعض أصحاب القصائد التي لاتصل لعشر مستوى
ذا القصيده ومع ذلك الردود عليها تاصل المية رد .
للمعلوميه مثلك نترقب جديده فلاتخلينا من جديدك لاخلينا منك
تقبل تحياتي وتقديري .