[معلومات العضو جلعود المخاريم]

هذه محاوره جرت بين الشاعرين الشاعر محمد بن باني المخاريم و الشاعر مفرج بن جنبان المخاريم وذلك اثنا عودتهم من الكويت بعد ما حضرو اجتماع منتدى قبيلة الدواسر الرسمي في دولة الكويت واترككم مع المحاوره
محمد باني

في الفحيحيل يا مفرج لقينا غزال=حط رسم العراقي فوق كبدي وراح
لاعطاني جواب ولا عطيته سوال=مير زرقات عينه مثل زرق الرماح
كان تشكي غرام الي زهاها الجمال=قبلكم قد شكينا من ضبي البراح
مالك الا الصبر في فقد زين الدلال=عقب ماخلت برقن في سما الكوت لاح
اثرك مطوع عاشق ما فيها جدال=تقنص الريم في المفلا عصير وصباح
وكان تبغى الحقيقه يا كريم السبال= مسعد الي من ادروب الغرام استراح
قبلنا قد عشق يالقرم كل الرجال=ونطلب الله ونساْله العفو والصلاح
اقنص الريم يالمنعور قنصٍ حلال=لاكن الحظ لامن قلتنا قام طاح
اتجاهك جنوب ونو قلبك شمال=تطلب الله وسدك من غلا البيض باح
انت لو كان تمشي في طريقك عدال=يخلفك عن طريقك كل بكر ٍ شقاح
انت رجل ٍ خبير لك بهاذا مجال=وقبلنا قد وردتو كل عد ٍ قراح
والله اني صبرت وشفتنا الصبر طال=ونتضر فزعتك بالمال والا السلاح
كم وردت وشربت من القراح الزلال=شربتن من حلاوتها تطيب الجراح
والله اني معى صفك بحال ومال=ولابة ٍ ما تسرك ما وراها فلاح
انت ذكرتني يالقرم والدمع سال= والسبب من لقيته وسط دار الصباح
وانت رجلن فعولك كلبوها جزال=جعل يفدونك ارخوم ٍ يديها اشحاح