السلام عليكم ورحمة الله وبركاته
حييت يا شوق العيون حييت يا شوق النظر = اقبل على هونك عسى عيني تعل ازلالها
شوفتك للي يشتكي طول العنا وضيم الدهر = ترياق روح ٍ تضهد بسم الحيايا لحالها
وقفت اتمتم في ذهول بما يقال انه شعر = اضرب مثل واطرح مثل وازريت اضم امثالها
انتي من العقد الفريد وانتي من اصناف الدرر = وانتي سبب فني المها وانتي سبب ترحالها
عين تلد بي الهلاك وعين تداوي كل شر = لا سلهمت سحر اعتقت قلب المعنا لفالها
هو ذا نحر والا قصر هو ذا صدر والا قبر = يالله قو النفس لا تاقع في حلو اعمالها
يعني لو إنك في زمن وضحى شقا عين النمر = نذر علي يعيفها ونذر يعيف عيالها
يا نعمة الفكر اللجوج اقبل لك الخافق مقر = ما يطيب لي السمر إلا وانا في جالها
وسلامتكم .. أخوكم / محمد بن سلمان الخييلات