[معلومات العضو فهد الغريري]

ماغنت الورقاعلى غصن وجدار=وماساقوالفنجال بين الرجالي بك يابوهادي مرحباسروجهار=ترحيب احلامن حليب الهجالي يالصاحب اللي طول الايام مابار=غالي وانا ادري اني عندشرواه غالي غلاك عندي ماله قياس وعيار=وعندي مقامك طول الايام عالي افخربمثلك واتمناه لي جار=وفيه التنومس كل ما جامجالي رفقة هل الطالات لي رمزوشعار=معهم طرب نفسي ومشهات بالي فالمرجلة والدين وافين الاشبار=وسجلهم من غيرالاثنين خالي واهل الردى لعلهم طفية النار=لعلهم عقب الوجودالزوالي مابي لهم رفقة ولوربع مشوار=الى اجنبوعنهم نصيت الشمالي رفقة ردي الدين والمرجلة عار=نقص(ن)على الرجال في كل حالي انادخيل منزل الوحي فالغار=من موقف(ن)يفرح خبيث العيالي واسئله لطفه واتعوذمن النار=لاقل حيل العبدوالملك زالي وصلاة ربي عدماطايرطار=على شفيع الخلق يوم المئالي وعليكم السلام ورحمة الله وبركاته اخي العزيز الغالي صاحب اعذب القوافي واجزلها وصاحب الكلمه الرزينه التي تشرح الخاطر وتسعد الناظر الشاعر الكبير سالم بن صمهود صح الله السانك وعتلا شانك وزادك الله حرصاً على دينك وزادك الله من زوايد فضله وانار لك طريق الحق وعصمك الله من طريق الضلاله وكل مسلم اخي العزيز سالم يشهد الله انك تستاهل من حبت خشمك على هذي الاسطر التي خطتها يمنك وعلى هذي الابيات التي ابهجتنى بها . تقبل فائق تقديري واحترامي واعتزازي بقلمك السيال الذي اجبر الجميع لتوقف امام مايسطر لنا من عذب القوافي وحسن النصايح. اخــــوك / فهد الغريري,,