ترانى على حبك مبيت النية=وراجى الله يعطينى اياك عطية
وعلى شوفك ميت الا شويه=اطالع دربك واتريا الجيه
لقياك في الكون اغلى هدية=ولى ناظرتك اشوف كنوز جوهرية
ملامحك كلها معالم انسانيه=وكلك ذوق وفهم وثقافه عربية
وصفاتك ماهي من الامور العادية=سبحان من عطاك اوصاف خيالية
كلامك عين تنبع في ارض برية=تسقى العطاشى وترويهم رويه
وروحك خيول جامحة صحراوية=تطرد كانها رياح عاصفية
نظرتى لك بتضل شاعرية=ووصلك اتمناه لو بعيد عن الواقعية
ولا اقبل هوى غيرك لو صار بايديه=عهد قطعته مادامت روحى حية
في النهاية لاتكون قاسى عليه=ياترى باشوفك بعد ما عد للمية؟