زخات الغلا
هلابك كثر ماغرد على اغصان الشجر عصفور =وهلابك كثر ماطارت من اغلال القلم صوره
وهلابك كثر ماشد الظلام اللي طرده النور =وهلابك كثر ماهاجت على صمت البحر ثوره
يهليبك خفوق ٍ من عذابك صاير ٍ مشهور =رسمك احلا ملامح في خيال الدهر محفوره
نثرلك في خدود الطرس زخات الغلا بسطور =وكتبك احلا المواجع في سنين العمر وشهوره
يغنيبك يمد بجرح صمته للوصال جسور =وتغنيبك بيوت ٍ هايمات ٍ فيك مبهوره
ويناديبك شعاع ٍ فوق ضفات النهر مكسور =تراقص فوقه امواج ٍ من الابداع مسحوره
حبيبي لاتعاتبني اذا جا با لقصيد قصور =ترى في وصفك ابياتي من التقصير معذوره
وحبيبي لو تحس الجرح تعرف شاعرك معذور =تعذره قبل لاتبدا مطالع باقي سطوره
يحبك كثرماغرد على اغصان الشجر عصفور =ويحبك كثر ماصاغو من ابيات الشعر صوره
سلطان فيحان الركيبي