هذه القصيدة قالها الشاعر سالم الجلعود مرثية في الشيخ مفلح بن نفجان بن مرشد
الغريري بعد وفاته ..
وأسأل الله ان يتغمد ابو سعد بواسع رحمته في جنات عرضها السماوات والارض ..
يقول سالم من كلام المعاناه = يوم الحزن شفته على الناس شاعي
الكل يبكي من عزيز فقدناه = الدمع من عيني على الخد ضاعي
مرحوم ياللي تبذل الطيب يمناه = قرم الدواسر الكريم الشجاعي
ابو سعد من يوم حنا دفناه = عجزت دايم صورته لي تراعي
فقدت رجل بالمعزه عرفناه = بالمجد ذلل صعبها واستطاعي
اللي رفع راسه ولا يوم دناه = الصعب لا هابه تذلل وطاعي
كن الشهور سنين والحزن شفناه = وطعم الفرح من عقب فرقاه ضاعي
يصبر على شد المرض والمعاناه = يخفي على الزاير مرض و إلتياعي
حتى الخبر من بعد فرقاه عفناه = ما للمساكن عقبه اليوم داعي
وختامها الجلعود سجل معاناه = مرثية الفرقا وسببها إلتياعي
اخوكم في الله
محمد الغريري