[معلومات العضو الجراح]

السلام عليكم ورحمة الله وبركاته هذا الموقف حصل لي شخصياً البارح والسالفه ومافيها ((هذا ولد خالتي دق علينا قبل آذان المغرب بربع ساعة وقال أنا قريب منكم وبجي لمكم أفطر لأنه مايمديني أوصل للبيت زحمه سيارات ... حياك الله ياولد الخاله أذن للمغرب ... أفطرنا ... وين الرجال ما جاء ... الظاهر انه صادته زحمه الله يعينه ... رحت للمسجد ابصلي المغرب ... إلا صاحبنا موجود بالمسجد ... وش السالفه يا أخوي قال ميدي والله يومني وصلت وقفت سيارتي ... إله جاني الشايب جاركم ... قلطني عنده بالبيت ... قلت يارجال أن جاي لأهلي ... قال مافي ... أفطر ثم تروح لربعكـ. .)) لكن اللي أبي أوصله لكم يالربع حنا في وقت ما عاد أحد يفتح بيته للثاني ويمكن حنا نفطر ويمكن جاري ماعنده شيء يآكله وهو عياله ... ماعاد أحد يتفقد الثاني كلن نفسي نفسي ... الله المستعان لكن هذا جارنا (( فريد من نوعه )) تصدقون يالربع الرجال هذا كل يوم قبل الآذان يجلس عند بابه ويقلط الناس على الفطور سعودي وغير سعودي واللي يبي يفطر عند اهله ينتبه قبل آذان المغرب لايمر عند بابه تعرفون من هذا الشخص انه الجار البار الوفي الكريم ابن الكرام ابو مسفر الودعاني الله يمتعه بالصحه والعافيه ويكثر من أمثاله فالله دركم يالوادعين يالكرام أنا كان قصدي أوصل رساله وأتمنى انها قد وصلت ولكم مني خالص الشكر والتقدير