السلام عليكم ورحمة الله وبركاته:-
إخواني وأخواتي أعضاء وزوار منتدى قبيلة الدواسر الرسمي هذي قصيدة قالها الشاعر القضيع المخاريم في زميله في العمل وابن عمه مسرع بن محسن بن مسرع المسعري
حيث يقول:-
يا مسرع ما للكايدة غير أهلها = وأنت المبدا لا انثنا الحبل واشتد
أنا أشهد إنك يابو محسن جملها= يا معرب العمان والخال والجد
مواقفك تعرف ولاحدن جهلها = يشهد لك الله والرجاجيل تشهد
مسرع ليا مالت علينا عدلها= ويورد الضميان عد ورا عد
مسرع ليا نقضت علينا فتلها = دايم خويه للشواهيق يصعد
يدرك رضا ربعه ويدمح زعلها = لأنه من اللي يضرب الحد بالحد
جمايلك عندي ثقيلٍ جبلها = ولاعاش رجل للمعاريف يجحد
المرجلة بكرة ومسرع فحلها = واللي زعل يعد فعله ليا عد
وفعايله ماقبله أحدن فعلها = يفداه من قلبه عن الطيب منلد